Qazirgi oqýshylar mekteptegi sabaqtardan qashyp qutylý úshin kez kelgen aılaǵa barady. Alaıda Qytaıda segiz jastaǵy búldirshin barlyq saýsaq birdeı emes ekendigin dáleldedi. Ol úskirik aıazǵa qaramastan emtıhan tapsyrý úshin  bes shaqyrym qashyqtyqta ornalasqan mektepke jaıaý júrip barǵan. Kishkentaı búldirshinniń bul is-áreketi jelide qazý talqyǵa salynyp, ózi «Qar adamy» degen atqa ıe boldy, dep jazady Qamshy.kz aqparat agenttigi sheteldik BAQ-qa silteme jasaı otyryp.

Mektepte emtıhan bolǵan kúni aýa temperatýrasy -9 Selsıa gradýsqa tómendegen. Alaıda mundaı aýa raıy segiz jastaǵy balany toqtata almady. Ol ary qaraı bilimin jalǵastyrý úshin 5 km júrip ótip, emtıhanǵa kelgen. Belgili bolǵandaı, bul bala kedeı otbasyda tárbıelenedi eken jáne de qurdastarynyń arasynda kóp mazaqqa qalady. Ol bilim alý arqyly bolashaqta óziniń otbasyn qamtamasyz ete alatyndyǵyna senedi.

Mektepke jetkenshe bala qatty tońyp qalǵan, sebebi bas kıimsiz, jeńil kúrteshemen kelgen eken. Al onyń qoldary qatty aıazdyń saldarynan úsip qalǵan. Degenmen segiz jastaǵy oqýshy mańyzdy emtıhanǵa úlgerip kelgendigine qatty qýandy.

Bilim ordasynyń dırektory kedeı otbasynan shyqqan oqýshylarǵa tegin tańǵy as berý arqyly kómek kórsetip jatqandyǵyn aıtty. Alaıda qarjylaı kómek kórsetýge jaǵdaı joqtyǵyn aıtyp, tipti mekteptegi synyptardy jylytýǵa qarajat tappaı otyrǵandyǵyn málimdedi.