Aqtóbe oblysynda avtobýsta 52 adamnyń órtenip ketýine kináli dep tabylǵan úsh júrgizýshi ustalyp, ýaqytsha ustaý abaqtysyna jabyldy, dep habarlaıdy Qamshy.kz aqparat agenttigi Aqtóbe oblystyq prokýratýrasynyń baspasóz qyzmetine silteme jasaı otyryp.

"Tergeý barysynda, avtobýstyń janyp ketýine  júrgizýshilermen avtokólik quralyn paıdalaný  jáne avtobýs salonynda  dánekerleıtin (paıalnaıa) lampyny paıdalaný saldarynan  órt qaýipsizdigi erejeleriniń buzylýy  sebep  bolǵan", - deıdi baspasóz qyzmetindegiler.

Jınaqtalǵan naqty derektermen atalǵan qylmysqa   avtobýstyń barlyq 3 júrgizýshisiniń de qatystylyǵy anyqtaldy.

24.01.2018j. Aqtóbe ýaqyty boıynsha  saǵ.22:40-ta Qazaqstan Respýblıkasynyń Qylmystyq Kodeksiniń 345-b.4-b. boıynsha qylmys jasaǵany boıynsha  kúdikti retinde avtobýstyń barlyq 3 júrgizýshisi de ustaldy jáne Aqtóbe q. İİB ÝUI ornalastyryldy. 

Qylmystyq is boıynsha qadaǵalaý 1-inshi Qyzmettiń prosestik prokýrorlary tobyna, Aqtóbe jáne Ońtústik Qazaqstan oblystarynyń prokýratýralaryna júkteldi.   

Tergep-tekserý barysy Bas prokýratýranyń jáne Qazaqstan Respýblıkasy ishki ister Mınıstrliginiń baqylaýynda.