Kúrdeli ota barysynda denesinen 13 tigin ınesi tabylǵan emizýli búldirshin Ózbekstan eliniń astanasy Tashkent qalasyndaǵy jedel medısınalyq kómek kórsetetin Respýblıkalyq ǵylym ortalyǵynda kóz jumdy. Bul jaıynda sársenbi kúni adam quqyǵy men demokratıa ınstıtýtynyń dırektory Saıera Hodjaeva óziniń Facebook paraqshasynda jazdy, dep jazady Qamshy.kz aqparat agenttigi rambler.ru saıtynyń málimetine súıene otyryp.
«Denesinen 13 ıne tabylǵan 11 aılyq sábıdiń ómirin saqtap qala almadyq», - dep jazady ol.
Esterińizge sala ketsek, 11 aılyq sábıdi qatty dene qyzýymen Ferǵana oblystyq aýrýhanasyna jetkizgen bolatyn. Dárigerler balany rentgenge túsirip, denesinde 16 ıne bar ekendigin anyqtaǵan. Saraptama nátıjeleri ol ınelerdiń balanyń denesinde eki aıdan astam ýaqyttan beri turǵandyǵy belgili boldy.
Toǵyz saǵatqa sozylǵan kúrdeli ota barysynda dárigerler balanyń denesinen 13 ıneni alyp, qalǵanyn taǵy bir ota arqyly alyp tastamaq bolǵan. Balalar bóliminiń bastyǵy Habıbýla Akımovtyń aıtýynsha, bala ol ıneniń bárin ózi jutyp qoıýy múmkin emes, sebebi ıneler balanyń denesiniń ár bóliginde bolǵan.
