2018 jylǵy 4 qańtardaTúrksib aýdanynyń № 84 jalpy bilim berý mektebinde Almaty óńirlik garnızonynyń Áskerı polısıa jasaǵynyń kınologıa bóliminiń kınologtary qyzmettik-izdeýshi ıtterdi qatystyrý arqyly sabaq ótkizdi, sondaı-aq temeki shegý, maskúnemdik pen nashaqorlyqtyń aldyn alý taqyryby da qamtyldy.
Sabaqqa AÓG ÁPJ bastyǵynyń tárbıe jáne ıdeologıa jónindegi orynbasary, podpolkovnık G.J.Tleýjanov, AÓG ÁPJ kınologıa bóliminiń aǵa ofıseri-pıtomnık bastyǵy, kapıtan K.J. Ibraev, pıtomnık ofıseri- veterınar dáriger, aǵa leıtenant N.E.Dıhanbaev jáne mekteptiń 120-dan astam 8-10 synyp oqýshylary qatysty.
Atalǵan is-sharanyń maqsaty – oqýshylardy mektep jasyndaǵy jasqspirimderdiń densaýlyǵyna temeki shegýdiń, spırt ishimdikterin ishýdiń, esirtki zattaryn qoldanýdyń zıandy áseri týraly aqparattandyrý:
- balalardy temeki shegýdiń, alkogóldiń, esirtki zattarynyń zıanyn kýálandyratyn faktilermen tanystyrý;
- oqýshylardyń nazaryn, adamdardyń osyndaı zıandy ádetterge boı aldyrýynyń sebepterine aýdarý;
- jeke tulǵanyń rýhanı, fızıkalyq jáne áleýmettik aman-saýlyǵyn qamtamasyz etetin qural retinde salaýatty ómir salty týraly uǵymdaryn qalyptastyrý.Oqýshylardyń kognıtıvtik ortasyn: aqyl-esin, oılaý jáne sóıleý qabiletin damytý. Olardyń boıynda uly qundylyq retinde densaýlyqqa degen oń ómirlik belsendi kózqarasty tárbıeleý. Temeki shegýge, alkogólge, nashaqorlyqqa degen teris qarym-qatynastyń paıda bolýyna yqpal etý.
Oqýshylarǵa osy taqyrypqa arnalǵan esirtki zattarynyń túrleri men ony qoldanýdyń saldarlary týraly beıne-rolıkter kórsetildi.
№ 84 jalpy bilim berý mektebi – Áskerı polısıa jasaǵynyń qamqorlyqqa alǵan mektebi, onda «Iýnyı kınolog» jáne «Jas tártip saqshysy» dep atalatyn eki áskerı-patrıottyq klýbtary bar.
AÓG ÁPJ-niń qyzmettik-izdeýshi ıtteri kez-kelgen obektini qyzmettik-izdeýshi ıtterdi paıdalaný arqyly kúzetýdiń senimdiligin arttyrýda mańyzdy qural bolyp tabylady. «Salı» jáne «Zara» laqap atty ıttermen jumys isteý arqyly kórsetilim sabaqtary ótti, onda kınolog mamandar – kishi serjant Marat Mýkanaevtyń jáne efreıtor Nýrahmed Imangalıevtiń mindeti májilis zalynda oqýshylar jasyrǵan rekvızıtterdi ıtpen izdep tabý boldy.
Esirtki zaty tabylǵan jaǵdaıda, qyzmettik-izdeýshi ıt sol jerde turyp qalady, bul zattyń tabylǵanyn bildiredi, al kótermeleý retinde ıt súıikti oıynshyǵyna ıe bolady. Itter jiti kórý, kúshti estý jáne óte jaqsy ıis sezý qabiletimen erekshelenedi. Qazaqstannyń áskerı polısıasynyń kınologtary jáne olar úıretken ıtter túrli baıqaýlar men jarystardyń nátıjeleri boıynsha eń úzdikterdiń qatarynda ekenin esterińizge sala ketkendi jón kórdik.
