Elimizde balalardyń dinı joralǵylarǵa qatysýyna baılanysty shekteý engizilmek. Bul týraly májiliste dinı qyzmet týraly jańa zań jobasyn tanystyrý barysynda din isteri jáne azamattyq qoǵam mınıstri Nurlan Ermekbaev aıtty, dep habarlaıdy Qamshy.kz aqparat agenttigi Sputnik Qazaqstan málimetine súıenip.

"Zań jobasynyń keıbir normalaryna sáıkes, 16 jasqa tolmaǵan balalar dinı ǵıbadathanada nemese meshit bolsyn, shirkeý bolsyn nemese basqa dinı joralǵylar men jıyndarǵa ata-anasynyń bireýimen, kámeletke tolǵan jaqyn týysqanymen birge bara alady", — dedi Ermekbaev. 

Mınıstr budan bólek mektepte hıdjab nemese oramal taǵý máselesine qatysty pikir bildirdi.

"Mektepte hıdjab nemese oramal taǵyp júrý — bilim jáne ǵylym mınıstrliginiń quzyretindegi másele. Óıtkeni mınıstrdiń buıryǵyna sáıkes, mektepte balalar arasynda kez kelgen alaýyzdyqty týdyratyn másele — qymbat buıymdar, qysqa kóılekter, onyń ishinde dinı belgiler de bar. Sondyqtan, bul másele "Bilim berý týraly" zańda jáne bilim jáne ǵylym mınıstriniń buıryǵynda óte anyq jazylǵan. Al qazirgi zań jobasynda bundaı norma joq.  Biraq, eger BǴM osyndaı norma engizýge bastama bildirse, biz qarsy bolmaımyz", — dedi mınıstr jýrnalıserge.