Qazaqstan Respýblıkasynyń Din isteri jáne azamattyq qoǵam mınıstri Nurlan Ermekbaev BUU Turaqty úılestirýshisi, Qazaqstandaǵy BUU Damý baǵdarlamasynyń Turaqty Ókili Norımasa Shımomýra bastaǵan delegasıamen kezdesti, dep jazady Qamshy.kz aqparat agenttigi.

Sondaı-aq, delegasıa quramynda Qazaqstandaǵy BUU Damý baǵdarlamasy Turaqty Ókiliniń orynbasary Mýnhtýıa Altangerel, Orta Azıa boıynsha BUU Eriktiler Baǵdarlamasynyń úılestirýshisi Dmıtrıı Frıshın, BUU Damý baǵdarlamasy Tıimdi basqarý departamentiniń dırektory Konstantın Sokýlskıı boldy.  

Kezdesý barysynda mınıstr BUU Damý baǵdarlamasymen konstrýktıvti yntymaqtastyq ornatýdyń ózektiligin, sondaı-aq turaqty túrde ótkiziletin keńester men baılanystardyń  aıryqsha mańyzdylyǵyn atap ótti. Budan bólek  mınıstr vedomstvonyń din, azamattyq qoǵam salasyndaǵy qyzmeti, memlekettik jastar saıasatyn iske asyrý barysy týraly baıandady.

Taraptar BUU Damý baǵdarlamasynyń jastar saıasaty, azamattyq qoǵam jáne radıkaldyq ekstremızmge qarsy is-qımyl salalary boıynsha qolǵa alǵan jobalaryn birlesip iske asyrý máselelerin talqylady.

Qazaqstandaǵy BUU Damý baǵdarlamasynyń Turaqty Ókili Norımasa Shımomýra kezdesýge qatysýshylardy BUU Damý baǵdarlamasynyń «Orta Azıadaǵy zorlyq-zombylyq baǵyttaǵy ekstremızmniń aldyn alý maqsatynda jergilikti qaýymdastyqtardyń turaqtylyǵyn nyǵaıtý men transshekaralyq yntymaqtastyq» jáne «Adam kapıtalyn damytý úshin turǵyndardy volonterlik qyzmetke tartý jáne azamattyq qatysýdy nyǵaıtý» jobalarynyń mindetteri men iske asyrý tetikteri týraly aıtyp berdi.  

Yntymaqtastyqtyń perspektıvalyq baǵyttaryn talqylaǵannan keıin taraptar jastar arasyndaǵy ekstremızmniń aldyn alý, sondaı-aq halyqty volonterlik qyzmetke tartý máselelerin sheshý jolynda tyǵyz yntymaqtastyq ornatýǵa  daıyn ekendikterin bildirdi.