M.Áýezov atyndaǵy Qazaq Memlekettik akademıalyq drama teatryna jańa dırektor taǵaıyndaldy, dep habarlaıdy Qamshy.kz aqparat agenttigi teatrdyń baspasóz qyzmetine silteme jasap.

«Qazaqstan Respýblıkasy Mádenıet jáne sport mınıstrliginiń 2018 jylǵy 12 aqpandaǵy buıryǵymen Qazaqstannyń eńbek sińirgen qaıratkeri, teatr rejıseri Asqat Maemırov M.Áýezov atyndaǵy Qazaq  Memlekettik akademıalyq drama teatrynyń dırektory qyzmetine taǵaıyndaldy», - dep habarlady teatrdyń baspasóz qyzmeti.

Asqat Maksımuly - Qazaqstannyń eńbek sińirgen qaıratkeri, fılosofıa ǵylymdarynyń doktory (PhD), «Bolashaq» Prezıdenttik stıpendıasynyń ıegeri, T.Júrgenov atyndaǵy Qazaq ulttyq óner akademıasynyń túlegi. 2008 jyly Sorbona ýnıversıtetiniń magıstratýrasynda bilim alyp, Fransıadaǵy Parıj Ulttyq drama óneri konservatorıasynda taǵylymdamadan ótken.

2010 jyly Máskeýdiń ataqty joǵarǵy oqý orny GITIS-te - Reseı teatr óneri akademıasynda «Rejıssýra magıstri» ǵylymı ataǵyn aldy.

2015 jyly T.Júrgenov atyndaǵy Qazaq Ulttyq óner akademıasynyń doktorantýrasyn támamdap, «Qazaqstannyń teatr rejıssýrasy: sabaqtastyq pen jańashyldyq (1991-2015 jj.)» taqyrybynda doktorlyq dısertasıasyn qorǵap, «Fılosofıa doktory» ǵylymı dárejesine ıe boldy. Eńbek jolyn A. Maemırov Batys Qazaqstan oblystyq qazaq drama teatrynda rejıser bolyp bastaǵan.

Qurmanǵazy atyndaǵy Oral mýzykalyq kolejinde «Akterlik óner» bóliminiń meńgerýshisi, T. Júrgenov atyndaǵy Qazaq ulttyq óner akademıasynyń «Teatr óneri» fakúltetiniń dekany, T. Júrgenov atyndaǵy Qazaq ulttyq óner akademıasynyń «Akter sheberligi jáne rejıssýra» kafedrasynyń dosenti boldy.

Qazaqstandyq mádenıettiń kósh basyndaǵy eń iri mýzykalyq ujymdardyń biri - «Qazaqkonsert» memlekettik konserttik uıymyn basqardy.  Búgingi taǵaıyndaýǵa deıin A. Maemırov elordalyq «Astana múzıkl» teatrynyń kórkemdik jetekshisi boldy.