Danıal Ahmetov Zyrán aýdany ákimine shart qoıdy, dep jazady Qamshy.kz aqparat agenttigi.

Oǵan sáıkes bıyl aýdan ortalyǵynyń basty kósheleri jóndelinip, turǵyndar aýlalaryna janashyrlyq tanytýǵa úırenýi kerek. Jumys nátıjesi oń bolsa, oblystyq bılik qalanyń barlyq shaǵyn aýdanyn kóriktendirý isin qolǵa almaq.

Óskemenniń izimen jaqyn arada Zyrándaǵy móltek aýdandardyń aýlalary da abattandyrylady. Bul týraly jergilikti basshynyń esep berý jıynyna qatysqan Danıal Ahmetov málimdedi. Aıta ketý kerek, ótken jyly qalanyń shetki bólikterindegi 4 kóshe jóndeldi. Budan bólek «Zyrán–Zýbovsk-Parygıno» baqytyndaǵy jol da 200 mln. teńgege qalpyna keltirdi. 

– Bıyl Zyránnyń barlyq ortalyq kóshelerin jóndeý kerek. Sonymen qatar aýlalardyń jaǵdaıyn qalpyna keltirý mindeti tur. Ótken jyly qarasha aıynda aýdan ákimine qatań eskertý jasalǵan bolatyn. Ár turǵyn, ár kooperatıv bul iske mán berýi tıis. Eger iste kóz kýantar nátıje bolsa, qalanyń ár shaǵyn aýdanyn abattandyrýǵa ýáde beremin, - dedi SHQO ákimi Danıal Ahmetov.

Bıylǵy josparda oblystyq qazynadan bólingen 259 mln. teńgege Zyrán men Serebránskiniń 8 basty kósheleri de jóndelýi tıis.