Bul týraly aýdanǵa jumys saparymen barǵan SHQO ákimi Danıal Ahmetov málimdedi. Jańa bilim shańyraǵy №6 orta mektepte oqyp jatqan oqýshylarǵa qýanyshty jańalyq boldy. Sebebi, mundaǵy bala sany tıisti normadan eki ese kóp, dep habarlaıdy Qamshy.kz aqparat agenttigi.

Jarty ǵasyrda talaı zyrándyq túlep ushqan №6 orta mektep búginde qaladaǵy qara shańyraqtyń biri. Alaıda 620 oqýshyǵa arnalǵan oqý ornynda qazirgi tańda 1000 tarta bala bilim alady.

– Qalaǵa jańa mektep kerek. Sondyqtan 600 oryndyq bilim shańyraǵynyń qurylysy bastalatynyn aıtamyn. Aýdan ákimi tezirek iske kirisse, smetasyn jasasa, oblys tek qoldaıdy, - dedi SHQO ákimi Danıal Ahmetov.

"Meniń mektebim" jobasy aıasynda búginde №6 orta mektepte jańa modıfıkasıa kabınetteri, ıaǵnı, robot texnıkasy, xımıa, fızıka synyptary jabdyqtalý ústinde.