QHR Altaı aımaǵynyń Shińgil aýdanynda turatyn Berik esimdi qandasymyz salmaǵy 7.85 keli kesek altyn taýyp aldy, dep habarlaıdy «Qytaı aqparat».
Dosymen birge altyn izdeýge shyqqan Berik en dalada oılamaǵan jerden at basyndaı kesek altynnyń ústinen túsedi.
Qandasymyzdyń aıtýynsha, altyndy jer betinde jyltyrap jatqan jerinen taýyp alǵan. Onyń dıametiri 23 sm, eni 18 sm, eń qalyń jeri 8 santımetr bolǵan. «Tabıǵattyń sheber qoly beder salyp, órnektegen saf altynnyń beti kún sáýlesimen alaýlanyp, kózdiń jaýyn alatyndaı jarqyraıdy», - deıdi altyndy kórgen kórshileri.
Álemde bundaı kesek altyndar jıi ushyrasa bermeıdi, altyn kenderiniń ózinde de tym sırek kezdesetin kórinedi.
Baqytjol Kákesh
Derekkóz: "IaQazınform"
