Qaraǵandy oblysynda prokýratýranyń eki qyzmetkeri para alyp turǵan jerlerinen ustaldy. Bul týraly QR Bas prokýratýranyń baspasóz qyzmet habarlady, dep jazady Qamshy.kz aqparat agenttigi.

«Búgin Bas prokýratýranyń ishki tergeý departamentiniń qyzmetkerleri Qaraǵandy oblysy Prıozersk qalasynyń prokýrory Turysbekov E.B. jáne Prıozersk gornızony áskerı prokýratýrasynyń aǵa prokýrory Radjapov A.Ý.-dy 1000 AQSH dollar kóleminde para alyp jatqan jerinde ustady», - delingen baspasóz habarlamasynda.

Prokýrorlar qylmystyq isti jabý úshin S. esimdi azamattan aqsha alǵan.

Atalmysh iske qatysty tergeý amaldary júrip jatyr.

Prıozersk ákimdiginiń málimetinshe, Erjan Turysbekov qala prokýrory qyzmetine 2016 jyldyń 12 aqpanynda taǵaıyndalǵan.

Ol 1977 jyly Taldyqorǵan oblysy Lepsi stansıasynda dúnıege keldi.

Prokýratýralyq organda 15 jyldan beri jumys istep keledi.