"Osy janarmaı beketine temir tulparymnyń basyn burǵan saıyn birneshe jyl burynǵy kórinis kóz aldyma kele beredi. Júzi júdeý, jupyny kıingen orta jastaǵy jigit aǵasy kezekte tur eken.Taban aqy, mańdaı terimen tapqan, qadiri bar qarabaqyr tıyndaryn túgel tógip, qaltasynan qaǵyldy. Kúıbeń tirlikten qajyǵan kókem kezektegilerge kóńil bólmesten, keńes odaǵynan kele jatqan kóne kóligine qaraı ketti. Kasadaǵy qarakózge: "Qalqam, meniń esebimnen álgi kisiniń bóshkesin toltyryp bere qoıshy" dedim.
Arany ashylǵan avtokóligim "otkaz" bergenshe kútip men turmyn. Sol sátte álgi aǵam qylmys jasap qoıǵan kisideı qaıtyp kelip: "Qyzym, meniń bergen aqsham bes lıtrden aspaýy tıis edi, siz meniń kóligimdi basqa bireýdikimen shatastyryp aldyńyz" degende... Men munymen jasaǵan jaqsylyǵymdy jarıalaıyn dep otyrǵam joq, aǵamyzdyń adamdyǵyn, adaldyǵyn aıtqym keldi. Túıeni túgimen jutyp, túk bolmaǵandaı júretinimizdi aıtsańshy. Bálkim, ol kisi jánnattyq shyǵar. ALLA bilýshi!"
Derekkóz: http://instagram.com/saken_maigaziyev
