Facebook paraqshasyn paıdalaný birqatar jaǵdaılarda kúızeliske ushyratýy múmkin. AQSH-tyń Mıssýrı shtaty ýnıversıtetiniń ǵalymdary osyndaı tujyrymǵa keldi, dep jazady sheteldik BAQ.

Margaret Daffı basshylyǵymen ǵalymdar zertteý kezinde paıdalanýshylardy eki topqa bóledi. Alǵashqysy jelini dostarymen, týystarymen baılanys ustaý úshin ǵana paıdalandy. Ekinshisi - dostary men tanystaryn baqylaý úshin kirdi. Facebook arqyly qarjy, mansap, otbasylyq jaǵdaılaryn bilip, ózderiniń ómirlerimen salystyrǵan. Bul toptyń qatysýshysynda kúızelis belgileri anyqtalǵan.

Zertteýshiler kúızeliske tanystarynyń tabystary (sheteldegi demalys, jańa úı, jańa kólik, toı, jańa dostar) týraly habarlama ákelgenin anyqtady. Ǵalymdardyń pikirinshe, salystyrý arqyly adamda qyzǵanysh sezimi paıda bolyp, ómirine degen qyzyǵýshylyǵy tómendep, kúızeliske dýshar bolýy múmkin.

QazAqparat