Reseı burynǵy Sovet respýblıkalarynyń, búgingi táýelsiz memleketterdiń ishinde bolyp jatqan rýhanı, tarıhı úrdisterge aralasyp, kedergi jasap otyr. Ásirese táýelsiz, shynaıy tarıhqa qarsy, otarsyzdanýǵa qarsy belsendi qarsylyq kórsetýde. Jáne de bul úderis asa bıik deńgeı men dárejede júrip jatyr. Bir mysal keltireıin. Grýzıada Saakashvılı bastaǵana jańa býyn saıasatkerler bılikke kelgen kez. Jańa býyn saıasatkerler, árıne, tarıhty jańǵyrtý, otarsyzdaný, quldyq sanadan arylý más
elesin birinshi orynǵa qoıady. Jańa úkimet alǵashqy kezekte Tbılısde Reseıdiń Grýzıany otarlaý tarıhyna arnalǵan mýzeı ashqan kórinedi. 2006-2007 jyldar bolýy kerek. Saakashvılı men Pýtınniń kezdesýi bolady. Sonda Pýtın táýelsiz grýzın memleketiniń basshysyna: "Senderde ne bolyp jatyr? Tbılısıde Reseıdiń otarlyq saıasatyn áshkereleıtin mýzeı ashypsyzdar ǵoı. Qaıdaǵy otarlaý? Shyndap kelse, Sovet Odaǵyn grýzınder basqaryp keldi ǵoı! Biz senderdi emes, sizder bizdi otarlap aldyńdar ǵoı" - dep shúıligipti. Saakashvılı Pýtınge: "Olaı bolatyn bolsa Máskeýde grýzın otarlaýy mýzeıin ashyńyzdar. Biz esh renjimeımiz!" depti. Osydan keıin Pýtın ábden kektenip, Saakashvılıdi taqtan taıdyramyn, grýzınniń kózine kók shybyn úımeletem dep sheshken kórinedi. 2008 jyly Reseı Ońtústik Osetıa men Abhazıany Grýzıadan bólip aldy. Bul sol kezde Grýzıanyń reforma mınıstri, úkimet múshesi Kaha Bendýkıdzeniń esteliginen.
Qazaqstanda otarsyzdaný nege júrmeı jatyr, óz tarıhymyzdy nege durystap aıtpaı jatyrmyz, Reseıdiń otarlyq saıasaty týraly nege batyl áńgime aıta almaımyz, Almatyda Ashtyqqa qatysty, Stalındik repressıalarǵa qatysty mýzeıler nege ashylmaıdy degen suraqtarǵa naqty jaýap osy. Bizdiń bılik Reseıden, onyń prezıdenti Pýtınnen ólerdeı qorqady. Bul kókbet osyndaı áńgimelerdiń talaıyn aıtyp jatqan shyǵar bizdiń basshylarǵa.
Bir kem dúnıe.
(Aıdos Sarymnyń feısbýktegi paraqshasynan)
