Astana turǵyny Technodom-da ótken «Túngi satylymda» zattarǵa qate qoıylǵan baǵalar úshin 50 myń teńgege ($150) sottady, dep jazady Qamshy.kz aqparat agenttigi. 

2017 jyldyń qyrkúıeginde «Technodom Operator» AQ «Túngi satylym» naýqanyn jasaǵan bolatyn. Dál osy túnde er adam óziniń qyzyna Apple IPhone 7 smartfonyn alyp bermek bolǵan. Onyń saıtta kórsetilgen baǵasy 219 990 ($670 shamasynda).

Osy baǵaǵa sáıkes, er adam smartfondy onlaın satyp alýǵa tapsyrys berip, dúkenge kelip alyp ketpek bolǵanda satýshylar baǵanyń qate jazylǵanyn jáne onyń satylmaıtynyn aıtqan. Óıtkeni uıaly telefonnyń shynaıy baǵasy 339 990 teńge ($1040) bolǵan.

Apple IPhone 7 modelin satyp ala almaǵan er adam basqa telefonnyń basqa modelin satyp alǵan. Osy oqıǵadan keıin er adam Teshnodom-dy keltirgen moraldyq shyǵyny úshin 1 mln teńgege ($3 myń) sotqa bergen.

Astana qalasynyń Almaty aımaqtyq soty jábirlenýshiniń aryzyn jartylaı qarastyryp, «Technodom Operator» AQ 50 myń teńge moraldyq shyǵyndy óteýge mindettedi.