Qazaqstan Prezıdenti Syrtqy ister mınıstri Qaırat Ábdirahmanovty qabyldady, dep habarlaıdy Qamshy.kz aqparat agenttigi Aqordanyń baspasóz qyzmetine silteme jasap.

Kezdesý barysynda Qaırat Ábdirahmanov Memleket basshysyna Syrtqy ister mınıstrliginiń qazirgi qyzmeti, sondaı-aq aldaǵy kezeńge arnalǵan josparlary jóninde málimdedi.

Elbasy Azıadaǵy ózara is-qımyl jáne senim sharalary keńesi men Kaspıı mańy memleketteri basshylarynyń samıtine daıyndyq barysyndaǵy uıymdastyrýshylyq jáne mazmundyq máselelerge basa nazar aýdardy.

Nursultan Nazarbaev Úkimettiń keńeıtilgen otyrysynda berilgen tapsyrmalar turǵysynan alǵanda, syrtqy saıasat vedomstvosy ekonomıkamyzdyń basty salalaryna sheteldik ınvestısıa tartý úderisinde erekshe ról atqaratynyn atap ótti.

Qazaqstan Prezıdenti kezdesý sońynda birqatar naqty tapsyrma berdi.