Osydan bir aı buryn ulynan aıyrylǵan telejýrnalıst Sáýle Ábedınova ulyn joqtap, jurtty tebirentti. Óziniń Feısbýktegi paraqshasynda jalǵyz balasyn qımasa da, ómirdi qaıta bastaýǵa bekingenin jazǵan.

«Meniń boıymda búginde eki Sáýle ómir súrip júr - balasy ólgenge deıingi Sáýle jáne balasy ólgennen keıingi Sáýle...
Keıde ózimdi aldarqatyp, túk bolmaǵandaı, balasy ólgenge deıingi tórt qubylasy túgel Sáýleniń keıpine enemin...
Ondaıda "úsh arsyz" meni bıleıdi...
Tipti, osy FB-ǵa kirip, posttardy, maqalalardy oqımyn, mýzyka tyńdaımyn, unaǵan dúnıelerge barmaǵymdy basamyn, bólisemin...
Unamaǵan nárselerge kúıip-pisip, boqtaımyn, "tóbelesemin", tipti... mysaly, dál búgin, unamasa da, sonshalyqty jıirkenishti bolsa da - Kók bórini qorlaǵan teksizderdiń jazasy tezirek berilse eken degen maqsatpen sol vıdeony bólisip te jiberdim... Jasyrmaımyn, olardy qarǵap ta jiberdim...
Iá... Bir qaraǵanda, sol baıaǵy ózderińiz biletin "aqyly az, emosıasyn tejeı almaıtyn" Sáýlemin...
Alaıda... Moıyndaımyn...
Men myń jerden burynǵy Sáýle bolyp kóringim kelse de...
... burynǵy Sáýle emespin...
İshimde bir ózek úzilip túsken, ishim ólip qalǵan Sáýlemin...
Ómirge burynǵydan myń ese ashynǵan Sáýlemin....
Iá...Men qara jamylyp, balamdy joqtap aza tutqaly 41 kún...
Qulynymdy jer qoınyna tapsyrǵaly 40 kún...
Balapanym-aý, sýyqty unatpaýshy ediń ǵoı...tońǵaq ediń ǵoı...qalaı jatyrsyń mynadaı aıazda qara jerdiń astynda...
Qarańǵyny jek kórýshi ediń ǵoı....qalaı jatyrsyń tas qarańǵy qabirde......
Ol sýyqty dál mendeı jek kóretin...
Ol ólgen kúnnen bastap, ómirdiń aıazyna tabıǵattyń aıazy qosylyp, janymdy da, tánimdi de qaryp ótti...
Janym dertti, júregim muz...
Jetsem degen armandaryna jete almady...
Kórsem degen baqytymdy kóre almadym...
"Tym bolmasa túsime kirshi" dep jalynǵanyma 40 kún boldy...
Túsime de kirmeıdi...
Ne durys uıqy joq...
"Taǵy tún.... 
Taǵy menen uıqy qashty,
Qaıtemin qańyraǵan kúıki basty?!.
Aldymda mynaý fánı tyrjalańash,
Shyǵaryp tilin maǵan, sıqyn ashty..."
Osynshama aýyr synaqty bergen Qudaı sol synaqty kótere alatyn qýat ta beretin shyǵar...
Abzalym...
Abyzym-qobyzym...
"Anashym" degen sózińdi saǵyndym...
"Mamýlá, mamýsá, maze" degen sózderińdi saǵyndym...
"Sáke" degen sózińdi saǵyndym...
"Sáýkentaı" degen sózińdi saǵyndym...
Tym bolmasa túsime enshi, qulynym...
41 kún...
Bara ǵoı, botam.... Aq sútime yrzamyn... Alla aldyńnan jarylqasyn!..
Men, Anań, talbesikte terbettim...
Jer-Anań jerbesikte terbetsin!...

***
Men ózgerdim...
Endi bir kezdegi tórt qubylasy túgel Sáýle joq...
Endigi Sáýle - basqa Sáýle...
Burynǵydan júz ese aqymaq...
Burynǵydan júz ese emosıonaldy...
Ómirge burynǵydan júz ese qushtar, ómirdi burynǵydan júz ese súıetin...
Burynǵydan júz ese baqytty bolatyn Sáýle keldi...
Sálemetsizder me!...
Qaıyrly tań, Sáýle!...
Ómirdi qaıta bastaımyz ba???
Kettik!!!».