Aǵymdaǵy jyldyń 16 aqpanynda Aqordada QR Prezıdenti Ákimshiliginiń Basshysy Á.Jaqsybekovtiń tóraǵalyǵymen Qazaqstan Respýblıkasy Prezıdentiniń janyndaǵy Qoǵamdyq sanany jańǵyrtý baǵdarlamasyn iske asyrý jónindegi ulttyq komısıanyń kezekti otyrysy bolyp ótti, dep jazady Qamshy.kz aqparat agenttigi. 

Keńestiń jumys kún tártibi memlekettik organdardyń respýblıkalyq jáne óńirlik deńgeılerde «Rýhanı jańǵyrý» baǵdarlamasyn iske asyrý sheńberindegi qyzmetiniń nátıjelerin talqylaý máselelerin qamtydy.

Á.Jaqsybekov óz sózinde baǵdarlamany iske asyrýdyń jańa kezeńinde osy qarqynnan tanbaı, keleshektiń aıqyn kórinisin anyqtap alýdyń mańyzdy ekenin atap ótti.

Negizgi baıandamalardy O.Orazalın, A.Balaeva, D.Abaev, A.Muhamedıuly jasady.

Beınekonferensbaılanys rejıminde Almaty jáne Atyraý oblystary basshylarynyń baıandamalary tyńdaldy.

Keńes qorytyndysy boıynsha Ulttyq komısıa tóraǵasy baǵdarlamanyń iske asyrylý barysy Memleket basshysynyń tarapynan erekshe baqylaýda ekenine, sondaı-aq barlyq josparlanǵan jobalardy sapaly iske asyrýdyń jáne olardyń «Rýhanı jańǵyrý» baǵdarlamasynyń maqsattary men mindetterine tujyrymdamalyq sáıkes bolýynyń qajettigine basa kóńil bóldi.

Óńirler basshylaryna baǵdarlamanyń barlyq baǵyttary boıynsha jumysty jandandyrý, sonyń ishinde «Qazaqstannyń kıeli geografıasy», «Týǵan jer» jobalarynyń iske asyrylýyn erekshe baqylaýǵa alý, ólketanýdy damytýǵa jáne jergilikti shyǵarmashylyq ujymdarǵa qoldaý kórsetýdi qamtamasyz etý jóninde naqty tapsyrmalar berildi.

«Rýhanı jańǵyrý» baǵdarlamasyn iske asyrýdyń 2017 jylǵy negizgi qorytyndylary

- Qazaqstan Respýblıkasy Prezıdentiniń Jarlyǵymen qazaq tiliniń latyn grafıkasyna negizdelgen álipbıi bekitildi.

-  QR Úkimetiniń janyndaǵy Qazaq tilin latyn grafıkasyna kezeń-kezeńimen kóshirý jónindegi ulttyq komısıa quryldy.

«Jańa gýmanıtarlyq bilim. 100 jańa oqýlyq» jobasy sheńberinde «Ulttyq aýdarma búrosy» komersıalyq emes qor qurylyp, áleýmettik-ekonomıkalyq jáne gýmanıtarlyq bilim salasyndaǵy álemniń 17 úzdik oqýlyǵy memlekettik tilge aýdaryldy jáne sıfrlandyryldy.

- «Qazaqstannyń 100 jańa tulǵasy» jobasy sheńberinde jalpyhalyqtyq onlaın daýys berý 102 jeńimpazdy anyqtady. Daýys berýge barlyǵy 340 myń qazaqstandyq qatysyp, óz favorıtterine 1 mln. 376 myń daýys berdi. 2017 jylǵy 1 jeltoqsanda Memleket basshysynyń Jobaǵa qatysýshylarmen kezdesýi ótkizildi.

- «Qazaqstannyń kıeli geografıasy» jobasy sheńberinde Jalpyulttyq jáne jergilikti kıeli oryndardy irikteý jáne júıelendirý jónindegi ǵylymı-saraptamalyq keńes quryldy; Jalpyulttyq jáne óńirlik mańyzǵa ıe nysandardyń tizimi ázirlendi; jalpyulttyq mańyzǵa ıe kıeli nysandar boıynsha 3d týrly Kıeli nysandardyń vırtýaldyq kartasy ázirlendi.

- «Týǵan jer» jobasy sheńberinde jalpy respýblıka boıynsha 700-den astam joba iske asyryldy; mesenattar esebinen 51 mlrd. teńgeden astam demeýshilik kómek alyndy; 735 nysan abattandyryldy jáne qalpyna keltirildi. «Týǵan jer» jobasy boıynsha jalpy 1438 nysan paıdalanýǵa berildi.

- «Jahandaǵy zamanaýı qazaqstandyq mádenıet» jobasy boıynsha Qazaqstannyń táýelsizdigi kezeńinde jasalǵan qazaqstandyq mádenıet týyndylary jınaqtalyp, júıelendirildi.

2017 jyly Parıjdegi UNESCO shtab-páterinde «Rýhanı jańǵyrý» baǵdarlamasynyń tanystyrylymy bolyp ótti. Tanystyrylym sheńberinde sheteldik aýdıtorıaǵa qazaqstandyq mádenıettiń túrli baǵyttaryn aıshyqtaıtyn ártúrli is-sharalar ótkizildi.

Otandyq teatrlardyń, mýzeılerdiń jáne mýzykalyq ujymdardyń qatysýymen jalpy 20 shaqty sheteldik gastrólder, kórmeler jáne basqa da mádenı is-sharalar uıymdastyryldy.

Halyqaralyq jáne teatr festıválderi men oryndaýshylyq óner festıvaldarynyń 27 dıreksıasymen kelissózder ótti. Qazaqstandyq memlekettik teatrlardyń halyqaralyq festıvaldarǵa qatysý kestesi jasaldy.

Otandyq kınematografty dáripteý maqsatynda AQSH pen Italıada Qazaqstan kınosy kúnderi ótkizilip, 7 kınokartına kórsetildi.

Úzdik qazaqstandyq mýzykalyq týyndylarǵa sıfrly formattaǵy qoljetimdikti qamtamasyz etetin Dalatunes – ınternet-resýrs jobasy iske asyryldy. 2017 jyldyń ishinde 13 myń mýzykalyq týyndy, 1,2 myń nota jáne 1,7 myń akord júktelgen.

Jańa talantty avtorlar men týyndylardy aıqyndaýdy kózdeıtin Birinshi «Rýh» halyqaralyq ádebı konkýrsy uıymdastyryldy.

Respýblıkalyq jáne óńirlik deńgeılerde mýzeı qorlaryn sıfrlandyrý jumysy belsendi júrgizilýde.

Á.Qasteev atyndaǵy Memlekettik óner mýzeıinde 13 700 saqtaý birligi sıfrlandyryldy. QR Ortalyq memlekettik mýzeıinde 39 602 birlik sıfrlandyryldy.

Qostanaı oblysynda eksponattardyń 24,5%,                             Aqtóbe oblysynda – 23%, Atyraý oblysynda – 20%, Qaraǵandy oblysynda – 19%, Aqmola oblysynda – 18%, Mańǵystaý oblysynda – 14,8% sıfrly formatqa kóshirildi. 

- Jalpy arnaıy jobalardy iske asyrý sheńberinde ǵylymı-saraptamalyq qoǵamdastyqpen jáne joǵary oqý oryndary ókilderimen jumys uıymdastyryldy. Barlyq óńirlerde jetekshi joǵary oqý oryndary bazasynda tanymal ǵalymdardyń, qoǵam qaıratkerleriniń qatysýymen Saraptamalyq keńester jumys isteıdi. 2017 jyly joǵary oqý oryndary 99 ǵylymı ekspedısıa uıymdastyryp, jumys qorytyndylary boıynsha 264 maqala jarıalandy.

32 joǵary oqý ornynda Qoǵamdyq sanany jańǵyrtý baǵdarlamasy taqyryby boıynsha elektıvtik kýrstar engizildi. Atalǵan kýrstardy oqıtyn stýdentterdiń sany shamamen 45 myń adam. «Rýhanı jańǵyrý» baǵdarlamasy taqyryby boıynsha 292 shyǵarmashylyq jáne ǵylymı joba iske asyryldy.

Joǵary oqý oryndarynyń stýdentteri men magıstranttary rýhanı jańǵyrýdyń túrli aspektileri boıynsha 1115 dıplom jumystary men magıstrlik dısertasıalar daıyndady.