Almatynyń kólik baǵyttarynda gazben júretin «Mercedes-Benz» avtobýsy testen ótedi, dep habarlaıdy Qamshy.kz aqparat agenttigi Almaty qalasy ákimdiginiń baspasóz qyzmetine silteme jasap. 

Nemistiń «Daimler AG» konserni Almatynyń tasymaldaýshylaryna gazben júretin avtobýsty kólik baǵytttarynda testen ótkizýdi usyndy. Jumys sapary barysynda megapolıs ákimi Baýyrjan Baıbek «Evro-6» ekologıalyq synypqa jatatyn «Mercedes-Benz» markaly avtobýstardy kórdi.

Bul avtobýstyń basty ereksheligi,«Daimler AG» koserni utymty gaz dvıgatelderin jasaıtyn álemdegi jalǵyz kompanıa bolyp tabylady, al qalǵandarynyń barlyǵy dızeldi dvıgatelderde gaz qondyrǵylaryn paıdalanady. Uzyndyǵy 12 metrlik tómen edendi avtobýs kondısıonermen, pandýspen, ınfraqyzyl sáýlelerdi ótkizbeıtin áınekpen jabdyqtalǵan, onyń syıymdylyǵy 100 jolaýshydan astam, dybysy da tómen ári júrisi óte bıik deńgeıde.

«Táýelsizdik jyldary qalada 20 avtopark jumys istegenimen, salany damytýǵa qarjy bólinbedi, onyń basym bóligi kóleńkeli sektorda boldy, biraq qazirgi kezde kemshilikter joıylyp, jaýapkershilikterin jete túsinetin kompanıalardyń qanat jaıýyna múmkindikter jasalýda, jarıalylyq artýda. «Mercedes-Benz» markaly kólikter barynsha sapaly ári baǵasy da joǵary, qalalyqtar tıisti servıs bolsa qoǵamdyq kólikti paıdalanýǵa nıetti. Sondyqtan ekonomıkalyq turǵydan alǵanda kompanıanyń bolashaǵy bar», - dep atap ótti Baýyrjan Baıbek.

Qazaqstandaǵy «Daimler AG» konserni resmı dıstrıbúteriniń ókili Andreı Kýnah Almatydaǵy jolaýshylar tasymalyna nemis óndirýshileriniń qyzyǵýshylyq tanytqanyn jetkizdi.

«Kompanıa qalada oń ózgerister jasaýda, naryq barynsha ashyq bola bastady ári qala ákimdigi tarapynan qoldaý kórsetilýde. «Mercedes» avtobýs testen ótkizý bolashaqty yntymaqtastyqtyń basy dep oılaımyn», - dep atap ótti Andreı Kýnah.

Gazben júretin avtobýs úsh aı boıyna «Almatyelektrotrans» JSHS qyzmet kórsetetin №12 baǵytta jáne «Green Bus Company» JSHS-tiń bir baǵytynda júretin bolady.

«Osy markidegi avtobýstar kóptegen elderde jaqsy jaǵynan kórindi, ózgelerge qaraǵanda osy kólikti shyǵaýshylarǵa uzaq kepildik berilýde ári bulardyń servıstik qyzmeti de jaqsy. Qazirgi kezde biz Almaty jaǵdaıynda avtobýstardy testileýden ótkizip, onyń qorytyndysy boıynsha naqtyly sheshim shyǵaramyz. Jyljymaly sostavty jańartqan tasymaldaýshylarǵa ákimdik tarapynan sýbsıdıa tólenetinin, al gazben júretin kólik sýbsıdıasy somasynyń joǵary bolatynyn eskersek, onda «Mersedes» markaly avtobýstarmen óz avtoparkimizdi jańartýdy negizgi varıanttardyń biri dep bilemiz», - dep atap ótti «Green Bus Company» JSHS dırektory Baýyrjan Kýlıshev.

Eske salsaq, Almatyda №12, 22, 50, 56, 65, 69, 70, 86, 95, 103, 112, 115, 124, 126, 127, 131, 137 baǵyttary boıynsha jańa avtobýstar jolǵa shyǵyp, №77 baǵyt qaıta jańaryp, №1 baǵyt pen №201 magıstraldy baǵyty ashylǵan edi. Kórshi oblystan qalaǵa qosylǵan eldi mekenderdi kólikpen tolyq qamtý úshin 10 baǵyt ashylǵan bolatyn.