Iraq dıktatory Saddam Hýseındi darǵa asqan arqan jeti mıllıon dollarǵa satylýy múmkin. Osy jádigerlikke usynylǵan baǵa qazirgi kezde osynsha somany qurap otyr, dep habarlady lenta.ru The Daily Mail-ge silteme jasap.

Qazir ol Iraktyń ulttyq qaýipsizdik boıynsha burynǵy keńesshisi doktor Mývaffak ál-Rýbaııdiń ıeliginde (naq sol Hýseındi óltirýge alyp barǵan bolatyn).

Basylymnyń aqparaty boıynsha, kolleksıonerler odan óltirý quralyn satyp alý úshin naǵyz "bás tigý soǵysyn" ashty.

Saýdaǵa eki kýveıt kásipkeri, Izraıldaǵy aýqatty otbasy jáne ırandyq dinı uıym qatysýda. Oǵan degen qyzyǵýshylyq artyp otyrǵan sátti eskere otyryp, ál-Rýbaıı odan da tıimdi usynystardan úmitti.

Saddam Hýseın rejımi 2003 jylǵy sáýirde amerıkandyqtardyń basyp kirýi nátıjesinde qulatyldy, al dıktatordyń ózi sol jyldyń jeltoqsanyna deıin iz jasyrdy.

2006 jyly ol adamzatqa qarsy qylmystarǵa aıypty dep tanylyp, darǵa asý arqyly ólim jazasyna kesildi. Úkim 2006 jyldyń 30 jeltoqsanynda oryndaldy. "IaQazınform"