Izraıl memleketi resmı túrde qazaq ultyn "ustaz-halyq" dep moıyndaýdy usyndy, - dep jazady nur.news.kz.

Qazaqstanda 140-tan astam ult pen ulys ókilderi bir shańyraqtyń astynda tatýlyq pen yntymaqtyń týyn jelbiretýde. Jáne qazaqstandaǵy evreı dıasporasy eshbir muqtajdyq pen qysymdyq kórmeı ómir súrýde. Osyǵan alǵys retinde Izraılde qazaq ultyn "ustaz-halyq" dep moıyndaıdy deıdi evreı mádenı-aǵartýshylyq, qoǵamdyq -saıası "Alef" ortalyǵynyń ókili Nıkolaı (Nahým) Gorbýnov.

Izraılde "álemniń ustazy" bolýǵa laıyq ultqa eskertkish músin ornatyp, qurmetine aǵash otyrǵyzý dástúri bar. Olar ulty evreı emes, qıyn-qystaý kezeńderde olardan kómegin aıamaǵandar. Mysaly, UOS kezinde Belorýs áıel birneshe evreı balalaryn basyna tóngen qaýipten jasqanbaı fashısterden qutqaryp qalady. Onyń qurmetine Izraıl kósheleriniń birine eskertkish músin ornatylyp, esimi altynmen áptelip jazylǵan jáne aǵash otyrǵyzǵan. Ol aǵash Ierýsalım kósheleriniń birinde áli jaıqalyp turǵan kórinedi. Qazirgi ýaqytta atalmysh qurmetti mártebeni "qazaq" ultyna berý jobasy talqylanýda. Alǵashqyda birneshe úmitkerler bolǵan. Biraq, evreı qalqynyń joǵary mártebesine, adamzattyń ustazyna birden bir laıyqty ult "qazaq" dep tapqan.

Atalmysh ortalyqtyń jetekshisi N.Gorbýnov: "Táýelsizdik jyldarynda Qazaqstan halqy Assambleıasy óte mańyzdy ról atqardy. Izraılde Qazaq kóshbasshysy Nursultan Ábishulynyń kóregen saıasatyn erekshe baǵalaıdy"-deı kele, ortalyq jetekshisi, belgili jýrnalıs Moıseı Goldberg: " Nursultan Ábishulynyń Assambleıa jumysyn tikeleı qadaǵalap otyrǵanynyń nátejıesinde barsha ult pen ulys ókilderi tynyshtyqta ómir súrýde. Kez kelgen máseleni jınalyp, dóńgelek ústel barysynda ortaq talqyǵa salýǵa, durys sheshim qabyldaýǵa bolady"-dedi.