Ýkrıanadaǵy qaqtyńystardyń sońǵy nátejıeleri boıynsha el áskerleri bir táýliktiń ishinde 200 deı búlikshi jasaqtyń kózin joıǵan. Bul týraly RIA Novostıge ATO (antıterrorlyq operasıa)baspasóz ortalyǵynyń ókili Anatolı Stelmak málimdegen.
Sonymen qatar, 15 áskerı tehnıka men bazanyń tas talqanyn shyǵarǵan. Jalpy qazirgi ýaqytta Ýkraına óziniń áskerı pozısıasyna nyq bekigen. Jáne Donbasstaǵy búlikshi jasaqtyń ústin-ústin júrgizilip otyrǵan shabýyldaryna toıtarys berip otyr.
Degenmen Ýkraına qarýly kúshteri osy operasıa barysynda 9 jaýyngerinen aıyrylyp, taǵy 26-sy ár túrli dene jaraqattaryn alǵan.
Ýkraınanyń shyǵysyndaǵy jaǵdaı 2015 jyldyń qańtar aıynyń orta sheninen qaıta ýshyǵyp otyr. Donesk áýejaıyna talas kezinde qaıta tutanǵan eki jaqty qaqtyǵystar búginde maıdannyń barlyq shepteri iske qosylǵan.
BUU-nyń 3 aqpandaǵy málimdemesi boıynsha Donbasstaǵy qaza tapqandar sany 5358 adamǵa artqan. Munyń aldynda 12 myń 235 adam qaza tapqany jónindegi málimet taraǵan bolatyn. Al Nemis basylymy Frankrurter Allgemeine Sonntagszeitung -tyń málimetinshe Ýkraınadaǵy qaqtyǵystardyń nátejıesinde qaza bolǵandar sany 50 myńnan asyp jyǵylýy múmkin delingen.
Óz kezeginde Ýkraına prezıdenti Petr Poroshenko Múnhendegi konferensıada "sońǵy málimetter boıynsha qaqtyǵystardyń saldarynan 1200 deı áskerı, 5400 deı beıbit turǵyn qaza tapqan" dedi.
