Ońtústik Qazaqstan oblysynda halqy tyǵyz ornalasqan Maqtaral men Saryaǵash aýdandaryn bólý usynyldy. Bul másele búgin oblystyq máslıhattyń kezekti otyrysynda talqyǵa tústi, dep habarlaıdy  Qamshy.kz aqparat agenttigi QazAqparatqa silteme jasap.

Oblys ákiminiń baspasóz hatshysy Beısen Tájibaevtyń málimetinshe,  qanshama jyldan beri aıtylyp kele jatqan  aýdandardy bólý máselesinde seń qozǵaldy. «OQO máslıxatynyń kezekten tys HH sesıasynda qaralǵan usynysty depýtattardyń barlyǵy erekshe yqylaspen qoldady.

Endi sýy shıpaly óńirdi Saryaǵash jáne Keles, al maqtaly aımaqty Maqtaaral, Asyqata, Jetisaı aýdandary dep qaıta qurý usynylyp otyr. Árıne, Elbasynyń Jarlyǵy shyqqannan keıin ǵana resmı túrde bólingenin aıta alamyz»,-deıdi Beısen Tájibaev.

1997 jyly 24 sáýirde sol ýaqyttyń talabyna saı biriktirilgen aýdandardyń endi óz aldyna jeke shyǵýy zamannyń suranysyna oraı júzege asýda. «Búginde Maqtaaral aýdanynda  304 myńnan asa, al  Saryaǵash aýdanynda  327 myńnan asa  adam turady. Eki aýdan da  Ózbekstannyń 10 aýdanymen shektesedi.

Aıtpaqshy, "Maqtaaral" ataýyndaǵy qalyp ketken "a" osy joly qosylyp, olqylyqtyń orny tolǵanyna da toqtalmaı ketýge bolmas. Sonymen, sátin salsa ońtústiktegi aýdan-qalalardyń sany 18-ge jetkeli tur», - dep túıdi sózin oblys ákiminiń baspasóz hatshysy.