Qazaqstan naryǵy taǵy bir otandyq ónimmen tolyqty. Qazaqtyń oıý-órnekterimen kómkerilgen avtomobıl oryndyqtaryna arnalǵan jabýlar naryqqa jol tartty.
Jańa úlgidegi jabýlardyń ereksheligi kóp.
Birinshiden, jabýlar ámbebap, ár jyl maýsymyna sáıkes kele beredi. Teri jaǵyn qysta, basqa jyl mezgilderinde kelesi jaǵyn qaratyp paıdalana berýge bolady. Ekinshiden, jabýǵa salynǵan qazaqy qyzyl órnekter salonǵa erekshe kórinis pen ásemdik syılaıdy. Úshinshiden, jabýlar ámbebap ári kez-kelgen kólik oryndyǵyna kıgizgende, jarasa beredi. Kóligińizdi aýystyryp jatsańyz, jabýdy aýystyryp qajet emes. Tórtinshiden, jabý materıaly sapaly, al órnekter sapaly materıalda asa dáldikpen tigetin mashınamen toqylǵan, kemi 5 jyl kádege jaraıdy. Sonymen qatar salonnyń kórinetin jerlerinde baýlary joq, olar jasyrylyp, salonda estetıkalyq turǵydan ádemi kórinedi
Jańa ónimdi jasaýshy kásipkerdiń aty-jóni – Qumar Jumahan. Onyń aıtýynsha ol bul kásipke byltyrdan bastap kirisken. «Osydan týra jyl buryn, Ahmetbek Nursıla aǵamyzdyń aqylyn tyńdap jalaqyly jumystan ketip qalǵaı jáıymyz bar edi. Násipti kásipten tabatyn jolmen júrip kórýge nıettengemiz. Áý basta inim ekeýimiz kishigirim bir jumystan bastadyq. Jýyrda úıtip-búıtip, tıynnan teńge qurap júrip shaǵyn tigin sheberhanasyn qurǵan boldyq, alǵashqy jáne negizgi ónim retinde oıý-órnekpen kómkerilgen, ulttyq naqyshtaǵy avtokóliktiń orynqaptaryn shyǵaryp otyrmyz. Qazir Almaty qalasy boıynsha satylymǵa tústi» deıdi Qumar Jumahan.
Jas kásipkerdiń jol kórsetýshisi, aqyl-keńes berýshisi belgili kásipker – Ahmetbek Nursıla. Qumar Jumahan jabýlardy daıyndaý kezinde osy azamatpen jıi aqyldasyp otyrǵan. Ahmetbek aǵamyzdyń aıtýynsha ol Qumar Jumahannyń ónimimen ótken jylǵy trenıń kezinde tanysypty.
Ahmetbek Nursıla aǵamyz Feısbýktegi paraqshasyna «Byltyr biraz bıznes trenıń júrgizip edim. Sodan biraz jastar shynynda “Bir nárse istep” ketpti. Bir jas jigit kelip: “Aǵa, ózi qysta jyly, jazda salqyn, birese qońyr, birese kók bola qalatyn, ózi ulttyq oıýmen árlengen bir nárse oılap taptym Qazaqtyń 50% -na kerek nárse”, dep (jabýdy) kórsetken edi. «Óı mynaýyń tamasha eken, anaýsyn, mynaýsyn jetildirseń keremet suranys bolatyn túri bar baýyrym nede bolsa táýekel, kiris» dep batamdy berdim» dep jazady.
Ónimniń resmı saıty: 2sheber.kz
Aqparat kózi: businessnews.kz
