12 jyldyq bilim berý júıesine kóshýdi kezeń-kezeńimen jalǵastyrý kerek. Bul týraly búgin Aqordada ótken Úkimettiń keńeıtilgen quramdy otyrysynda memleket basshysy Nursultan Nazarbaev aıtty.
"Otandyq mektepterdegi bilim berý salasynda "Balapan" baǵdarlamasyn júzege asyrýdy, orta bilim beretin mektepterde 12 jyldyq júıege kóshýdi kezeń-kezeńmen júzege asyrýdy jalǵastyrý qajet" dedi Elbasy N. Nazarbaev.
Sondaı-aq, memleket basshysy memlekettik balabaqshalardy jekeshelendirmeý kerektigin atap ótti.
AQSH prezıdentiniń "mektepke deıingi bilim berý memlekettiń basty basymdyǵy" degen sózin mysalǵa ala otyryp, bizdiń de osy joldan taımaýymyz kerek dedi Elbasy Nursultan Ábishuly.
Sonymen qatar, memleket basshysy óz sózinde jeke menshik balabaqshalardy salý isinde jan-jaqty qoldaýlar kórsetilý kerek ekenin de nazardan tys qaldyrmady.