Jýyrda qytaılyq mıllıarder ólim jazasyna kesildi degen aqparat barlyq BAQ-ta jáne áleýmettik jelilerde keń tarady. Uıymdasqan qylmystyq top qurady degen aıyppen ólim jazasyna kesilgen qytaılyq mýltı mıllıarder Lú Han degen kim?
9 aqpanda belgili bolǵandaı 48 jastaǵy qytaılyq mýltı mıllıarder Lú Han óziniń qyzmet jolynda álemdegi eń iri keń óndirý orny sanalatyn "Han Lýndi" basqarǵan bolatyn. Sondaı-aq, Qytaıdaǵy eń baı 100 adamnyń qatarynda kirgen Lú memlekettiń Qylmystyq kodeksiniń 13 birdeı baby boıynsha, uıymdasqan qylmystyq top qurý, bandıtızm, kisi óltirý isi, zańsyz qarý-jaraq saýdasy t.b. aıyptalyp, keıinnen ólim jazasyna kesilgen.
Lú Hannyń ómirin "Brıgada" serıalynyń qytaılyq nusqasyna uqsatýǵa bolatyn sekildi. Nebári 26 jastaǵy Sychýandyq Lú 90 jyldary óziniń jeke kásibin bastaıdy.
Ol sychýan ólkesi dırektorlar keńesi tóraǵalyǵyna úsh márte saılanady. Lú týraly áıgili "Forbs" basylymy 40 mlrd ıýán qazynasymen "Sý astyna jasyrynǵan mıllıoner Lú Han" dep jazady.
Baılyq pen bıliktiń shyńyna shyqqysy keletinder kóp-aq. Biraq, bul úshin qajyr men qaırat, táýekel men júrek kerek ekenin naq túsingen Lú 90-jyldary, aǵash jáne qurlys materıaldarynyń baǵasy sharyqtap turǵan qıyn kezeńderde saýdanyń sátin taýyp paıdaǵa belshesinen batady.
Onyń aınalasyna óziniń jaqyn týystary men dostary tegis jınalady. áıgili "Brıgadanyń" oń qoly, ári Lúdiń basty keńesshisi onyń inisi Lú Veı edi.
Keıin mıllıarder atanǵan Lúdiń agressıvti básekelesteri biriniń artynan biri quldyrap jatty. Lú Hannyń aıqyn potensıalyna des bermegender oǵan jol berip jatty. Al Lúge qarsylar ajal qushatyn. Alaıda qandaı da bir sebeptermen bul ólimderdiń beti ashylmaıtyn nemese iz-tússiz joǵalyp ketetin.
Sychýannyń negizgi baılyǵy-kómir jáne mıneraldy ken óndiristeri. 1997 jyly basqa básekelesterin jolda qaldyrǵan Lú Han áıgili "Han Lýn" korporasıasyn qurady. Sychýandaǵy barlyq ken oryndary"Han Lýnniń" ıeligine tıesili boldy.
Qarqyndy damyp kele jatqan Qytaı ekonomıkasyna osyndaı ken oryndarynyń tıgizer paıdasy ushan teńiz edi. Osy tusta "Han Lýn" Qytaı bırjasyndaǵy, artynan álemdik bırjadaǵy iri oıynshyǵa aınaldy.
XXI ǵasyr tabaldyryqtan attaǵan tusta Lúdiń korparasıasy taý-ken ónirisinen bólek energetıka, qurylys, tipti týrısik bazalarǵada ıelik ete bastady. 2011 jyly "Han Lýn" korparasıasy Amerıka, Afrıka jáne Aýstralıaǵa qarjylaı kómek beredi.
Lú Hannyń negizgi arqasúıeri QHR qoǵamdyq qaýipsizdik mınıstri bolǵan Chjoý Iýnkan(2002-2007jj) edi.
2012 jyly túrli qylmystyq toptardy quryqtaý barysynda Chjoý Iýnkan qyzmetinen bosap, ústinen tergeý júrgizedi. 2014 jyly tergeý barysynda Chjoýdyń úıinen 14,5 mıllıard dollar tárkilenip, júzdegen sybaılastarynyń basyna qaýip tónedi. 2014 jyly Chjoý Iýnkanǵa asa iri kólemde para alǵan degen aıyp taǵylyp, úı qamaqqa alynady. Iýnkan jazadan jeńil qutylǵanymen, Lú Han men onyń inisi tutqyndalady. Osylaısha áıgili "Brıgada" sanalyp kelgen "Han Lýn"korporasıasy toqyraýǵa ushyraıdy.
Lú Hannyń qylmystyq isine qatysy bar degen 36 adam qamalyp, sotisi 2 aıdan astam ýaqyt qaralady.
2014 jyldyń mamyrynda ótken sottyń alǵashqy ınstansıasynda-Lúhan men onyń inisin jáne korporasıanyń úsh birdeı lıderin ólim jazasyna, taǵy bes qyzmetkerdi 2 jyl qamaýǵa, artynan ólim jazasyna kesedi, sonymen qatar, ekeýin ómir baqı bas bostandyǵynan aıyrýǵa, jáne 22si túrli merzimdi qamaýǵa alynady.
Ol dáýreni tasyp turǵan tusta 2008 jyly Qytaıda bolǵan iri jer silkinisinen zardap shekkenderge 50 mıllıon kómek beredi. (Qazaqstan dál sol kezde zilzaladan zardap shekkenderge 681,1 myń ıýan kómek kórsetken bolatyn)
2008 jyly 43 jastaǵy Lú Han halyqqa qaıyrymdylyq retinde 127 mıllıon ıýán berip, 2009 jyly 270 mıllıon ıýán berip Qytaıdaǵy eń jas ári eń kópes meıirimdi jan atanady.
Lú Han qytaı tarıhyndaǵy tasy órge domalaǵan, arty ólim jazasyna kesilgen mıllıarderlerdiń aldy emes, tipti onynshysy da.
