Kezinde óziniń kóptegen ánderimen tyńdarman qaýymnyń alǵysyna bólengen sazger Jarlyqasyn Dáýlet búgin  tyńnan bir túren salǵandaı, qazaq eposyn jastarǵa dáripteýge bolmaıdy dep málimdedi.   "Asyl arna" tele arnasyna bergen suhbatynda sazger jastar arasynda ǵashyqtar kúni  atalyp ketken Valentın kúnin toılaýǵa baılanysty:  "Valentın kúni – halyqty  azǵyndyqqa shaqyratyn meıram. Ony bireýler «Qozy Kórpesh-Baıan sulý» dep ózgertipti. Japalaqty taspen ursań da, tasty japalaqpen ursań da japalaq ólmeı me? Ózińiz oılap kórińizshi, Qozy Kórpesh, Baıan sulý degen kimder? Qozyny Qodar óltirip tastaǵan soń, Baıan da ózine qol jumsap óldi de, bir molaǵa kirdi. Ózin-ózi óltirip, janazasy shyqpaı, bir molaǵa jatqan adamdy kimge úlgi qylyp otyrmyz", -degen.

Qazaq fólklorynyń  kórkem de qundy salasy – epostyq jyrlar ekeni eki jasar balaǵa da málim. Epos dep oqıǵasy el, halyq ómirinen alynǵan, obrazdary iri ári kemeldi túrde jasalyp, batyrlyq nemese ǵashyqtyq sújetke qurylǵan úlken epıkalyq jyr–dastandardy aıtatyn bolsaq aýzymyzǵa birinshi osy "Qozy kórpesh-Baıan sulý" túsetini taǵyy ras. Al sazger bolsa atalmysh senarııdegi barlyq epostyq jyrlar jastardy sýısıdke tárbıeleıtindikten olardy múlde oqytpaý kerek eken-mys. Sonda ádebıetimizdiń klasıkalarynyń birqatary, mysaly, "Qozy kórpesh-Baıan sulýdaǵy" Baıan,  "Baqytsyz Jamaldaǵy" Jamal t.b túkke turǵysyz dúneler bop qalǵany ma?