Qazaq handyǵynyń 550 jyldyǵyna arnalǵan músháıraǵa
Táýelsizdik ardaǵym , júregi aıdyn, Mynaý saǵan aıtatyn ór shyndyǵym. Quryp ketsin, tózbespin, júre almaımyn, Jer basyp sensiz bir kún. Táýelsizdik, qymbatsyń osy ala tań, Boıda bolar sen barda tirek, senim. Júrmin jaıyp Allaǵa qos alaqan, Bútindigin irgeńniń tilep seniń. Táýelsizdik baqytym, qasıettim, Shýaǵyńnyń tóge ber kópke nuryn. Meıli, meıli júzdegen ǵasyr ótsin, Tura bersin jelbirep kókte týyń. Táýelsizdik sen alar asqar alda, Bola bilgen ózgege janqıar baýyr. Zábiri joq el edik basqalarǵa, Bizge pana bola gór aldıar táńir. Táýelsizdik ańsarym, jarqyn, qutty, Baqytymsyń qashan da kúlimdegen. Násip etip mańdaıǵa tatýlyqty, Qaq perishtem mezgilsiz búlingennen. Táýelsizdik ǵumyrym, taǵdyrymdy, Alaýlanyp bastadym sende úmitpen. Keshir kúnim bilmesem qadirińdi, Keıbir shaqta jelpinip pendelikpen. Táýelsizdik qorǵashtap ıem seni, Rızamyn janaıyn otqa qansha. Táýelsizdik jarqynym súıem seni, Shybyn jannyń saǵaty toqtaǵansha. Aryma tıme, abaıla Ultyma bolsań jaý, dushpan, Tarıhyn ótken elemeı. Tıegi súıek adyrnadan ushqan, Qadalam saǵan jebedeı. Alsań da kıip kireýke, Ajalyń menen báribir. Baýlyǵan meni bul ólke, Somdalǵam solaı táni mir. Ojdanym jasyn, naızaǵaı, Jaýlarym qalǵan ımenip. Namysym ótkir naızadaı, Ketersiń, baıqa, túırelip. Babasy qaǵan, Bilge bek, Taý - tasqa jazǵan san dastan. Tastaımyn, baıqa, tilgilep. Ashýyma tıme Aldaspan. Kim ekenin uqsań tegimniń, Dáýirler ótken myńdaǵan. Tabanǵa tıse tebingim, Tebirenip salar dúr dalam. Sadaqa bolǵan eline, Erleri adal, dili keń. Tartpasań bizde tegińe, Jumyrtqasyń shirigen. Bolǵanmen sany az-aq, tym, Dástúrin, saltyn, joldy uqqan. Jany bar árbir qazaqtyń, Maıdanger bolatyny sondyqtan.
Muqıat Qoıshybaıuly – 1984 jyly 2 maýsym kúni QHR, İle Qazaq avtonomıalyq oblysy, Tekes aýdanynda dúnıege kelgen. 2005 jyly Atamekenge oralǵan. Y.Altynsarın atyndaǵy ArqMPI támamadaǵan. Qalalyq, oblystyq jyr báıgesiniń birneshe dúrkin jeńimpazy. Qazirgi tańda Arqalyq qalasyndaǵy oblystyq «Dala ólkesi tarıhy» murajaıynyń ǵylymı qyzmetkeri.
