Qazaqstanda avtokólikterge arnalǵan jańa kýálikter 2018 jyldyń 1 shildesinen bastap qoldanysqa enedi. Bul týraly qazaqstandyq avtobıznes qaýymdastyǵynyń Facebook jelisindegi resmı paraqshasynda jazyldy, dep habarlaıdy Qamshy.kz aqparat agenttigi.

 Elektrondy qujatta avtokólik týraly tolyq málimet bolady. Onyń ishinde kólikke qoıylǵan shekteýler, qyzmet kórsetýdiń sapasy men kólemi, jol-kólik apattarynda belgili bir kóliktiń qatysy bar-joǵy kórsetiledi.

2018 jyldyń 1 shildesinen bastap avtokólik quraldarynyń elektrondy qujattaryna kóshý Eýrazıalyq ekonomıkalyq odaqta qujattardyń óńdelýin jeńildetedi jáne bıznestiń operasıalyq shyǵyndaryn azaıtady.

Sondaı-aq kólik quraldaryn paıdalanýdyń barlyq kezeńin ashyq túrde qadaǵalaýǵa múmkindik beredi.

Elektrondy tólqujatta avtokólik nemese motosıkl týraly málimetter EAEO-ǵa shyǵarylǵan nemese ımporttalǵan kezden bastap saqtalady. Bul aqparatty burmalaýdy qıyndatyp, jalǵan qujat jasaýdy shekteıdi.

Bolashaqta avtokólik satyp alar kezde kez kelgen adam kólik týraly tolyq aqparatty arnaıy portaldan kóre alady.

Elektrondy qujattarǵa kóshý jumystary birtindep júrgiziledi. Qujat EAEQ-tyń barlyq eli úshin birdeı bolady.