Búgin Premer-Mınıstr Baqytjan Saǵyntaevtyń tóraǵalyǵymen ótken QR Úkimeti otyrysynda Infraqurylymdy damytýdyń 2015–2019 jyldarǵa arnalǵan «Nurly jol» memlekettik baǵdarlamasynyń iske asyrylý barysy týraly Ulttyq ekonomıka mınıstri Tımýr Súleımenov pen qarjy mınıstri Baqyt Sultanov baıandady dep jazady Qamshy.kz aqparat agenttigi Qazaqstan Respýblıkasy premer-mınıstriniń baspasóz qyzmetine silteme jasap.
«Orta eseppen alǵanda jóndelgen joldar 2 myń km-den aspaıtyn ótken jyldarmen salystyrǵanda bul rekordtyq kórsetkish», — dedi Tımýr Súleımenov.
Nátıjesinde 2017 jyly 22 avtomobıl joldarynyń jobalarynda 600 km avtojol qaıta jańǵyrtyldy, bul jospardyń 100% quraıdy.
Ekinshi baǵyt — logıstıkalyq jobalardy júzege asyrý aıasynda elimizdiń tranzıttik áleýetin arttyrý úshin Quryq temirjol parom termınaly iske qosyldy.
«Osy joba boıynsha júkti aýystyryp tıeýdiń josparly kórsetkishi 50%-ǵa artyǵymen oryndalyp, 1,5 mln tonnany qurady. Sonymen qatar, 2017 jyldyń jeltoqsan aıynda Quryq portynda avtokólik parom termınalynyń testilik iske qosylýy júzege asyryldy», — dep atap ótti ulttyq ekonomıka mınıstri Tımýr Súleımenov.
Avtokólik parom termınalynyń tolyq qurylysyn aıaqtaý 2018 jylǵa belgilengen. Onyń jobylyq qýattylyǵy jalpy jylyna 2 mln tonna júkti quraıdy.
Jalpy jobanyń qýattylyǵy jylyna 6 mln tonnany quraıdy.
«Nurly jol» baǵdarlamasynyń úshinshi baǵyty — turǵyn úı-kommýnaldyq sharýashylyǵyn jańǵyrtý aıasynda 2017 jyly josparlanǵan 700 km ınjenerlik júıeniń 765 km janǵyrtyldy.
«Nurly jol» memlekettik baǵdarlamasynyń sheńberinde TKSH qaryjylandyrý elimizde ınjenerlik jelilerdiń tozýyn 67%- dan 60%-ǵa tómendegenin atap ótý qajet», — dedi T. Súleımenov.
Aǵymdaǵy jyly shamamen 800 km ınjenerlik jelilerdi salý jáne qaıta jańǵyrtý josparlanyp otyr. Bul, atalǵan kórsetkishti qosymsha 3%-ǵa tómendetedi.
Tórtinshi baǵyt — apatty mektepterdi jáne úsh aýysymdyq oqytýdy joıý sheńberinde 2017 jyldyń qorytyndysy boıynsha josparlanǵan
76 mekteptiń 73 mektebi salyndy.
«QR BǴM aqparatyna sáıkes, qalǵan bilim berý obektileri aǵymdaǵy jyldyń İ toqsanynyń aıaǵyna deıin paıdalanýǵa beriledi. Jalpy Memlekettik baǵdarlamany iske asyrý jyldarynda 108 mektep salyndy», — dedi Tımýr Súleımenov.
Besinshi mindet — shaǵyn jáne orta bıznesti ınfraqurylymmen qamtamasyz etý aıasynda 2017 jyly 20 shaǵyn jáne orta bıznes jobasy, onyń ishinde Qostanaı jáne Almaty oblystaryndaǵy
2 ındýstrıaldyq aımaq qajetti ınfaqurylymmen qamtamasyz etildi.
2017 jyldyń qorytyndysy boıynsha jetkiliksiz ınfraqurylymdy jetkizýge baǵyttalǵan 1 teńge búdjet qarajaty jeke sektordan 28 teńge ınvestısıasyn tartýǵa múmkindik berdi. Investısıanyń jalpy kólemi 410 mlrd teńgeni qurady.
Qoldaýǵa ıe bolǵan jobalar tamaq ónerkásibi (3 joba), aýyl sharýashylyǵy (7 joba), jeńil ónerkásip (1 joba), qurylys materıaldary ónerkásibi jáne farmasevtıkalyq ónimder óndirisi (5 joba) salalaryna jatady.
Altynshy baǵyt — Halyqaralyq qarjy uıymdarymen jobalardy qosa qarjylandyrý aıasynda 2017 jyly Halyqaralyq qarjy uıymdarymen áriptestik týraly negizdemelik kelisim sheńberinde mýnısıpaldy jylý jáne sýmen jabdyqtaý júıelerin jańǵyrtýǵa, shaǵyn jáne orta bıznesti damytýǵa, ónimdi ınovasıalardy yntalandyrýǵa, jumys daǵdylaryn damytý jáne jumys oryndaryn qurýǵa, sýarý jáne drenaj júıelerin jetildirýge baǵyttalǵan
15 jobaǵa birlesip qarjylandyrýǵa qarajat bólindi.
2017 jyly kelisimder ratıfıkasıalanyp jáne jalpy somasy 366,4 mln AQSH dollaryn quraıtyn eki úkimettik nesıe jobasy iske qosyldy, onyń ishinde Halyqaralyq qarjy uıymdarynan tartylǵan qarajat 320 mln AQSH dollaryn qurady.
Budan ózge, memlekettik kepildik berý arqyly júzege asyrylatyn eki jobany iske asyrý bastaldy.
«Memlekettik baǵdarlamany iske asyrý 2017 jyly josparly 75 myń jumys ornyn qurý kezinde 98,3 myń jumys ornyn qurýǵa múmkindik berdi. Memlekettik baǵdarlamanyń jalpy ishki ónimniń ósýine úlesi 0,75 paıyzdyq tarmaq deńgeıde baǵalap otyrmyz», — dep túıindedi óz sózin Tımýr Súleımenov.
Qarjy mınıstri Baqyt Sultanov óz kezeginde «Nurly jol» baǵdarlamasy 2017 jyly shyǵyndardyń basty basymdyqtarynyń biri bolǵanyn baıandady. Memlekettik baǵdarlamanyń búdjettik bóligi 472,3 mlrd teńgege nemese 99,9% ıgerildi. Avtomobıl joldaryn salýǵa jáne jańǵyrtýǵa; Astana qalasyndaǵy halyqaralyq áýejaıdyń jolaýshylar termınalyn rekonstrýksıalaýǵa; sondaı-aq jylý, sýmen jabdyqtaý jáne sý burý júıelerin salýdy sýbsıdıalaýǵa berilgen qarajattar tolyq kólemde ıgerildi.
Memlekettik baǵdarlamaǵa bólingen qarajattyń jergilikti deńgeıde ıgerilýi bólingen qarajattyń 98,7 % qurady (127,4 mlrd teńge).
2018 jyly Memlekettik baǵdarlamany júzege asyrýǵa 488,5 mlrd teńge qarastyryldy. A. j. 1 naýryzdaǵy jaǵdaı boıynsha ortalyq memlekettik organdar 208,3 mlrd teńge somasyna mindettemeler qabyldady, ıaǵnı jyldyq jospardyń 49,6%.
