Prezıdent Nursultan Nazarbaevtyń bes jańa áleýmettik bastamasy mıllıondaǵan qazaqstandyqtyń ómirin túbegeıli ózgertedi, dep habarlaıdy Qamshy.kz aqparat agenttigi Qazaqparattyń málimetine súıenip.

Osy arqyly ekonomıka serpindi túrde damyp, orta tap kúsheıedi, eldegi adam áleýeti artady. Bul týraly QR Syrtqy ister mınıstri Qaırat Ábdirahmanov málim etti.

Mınıstrdiń oıynsha, aýqymdy gaz qubyryn tartý jobasy Ortalyq Qazaqstanda turaqty energetıka men ekologıa máselesin sheshpek.  

Q.Ábdirahmanovtyń aıtýynsha, Elbasynyń bes bastamasyn Qazaqstannyń damyǵan 30 eldiń qataryna kirý jónindegi uzaq merzimdik strategıasymen baılanystyrý kerek.

İİM, sonymen qatar, eldegi ýnıversıtetterdiń halyqaralyq baılanysyna, sheteldik pedagogtar tartýǵa, tájirıbe almasýǵa kómektesetinin jetkizdi. 

«Bilim jáne áleýmettik saıasat salasyndaǵy keshendik is-sharalardy kúsheıtý ekonomıkany damytýǵa septigin tıgizedi.  Elbasymyz álemdik is-tájirıbege súıene otyryp áleýmettik maqsattarǵa qol jetkizýde kópshilikke úlgi bola alady», - dedi Q.Ábdirahmanov.

5 naýryz kúni Parlament palatalarynyń birikken otyrysynda jarıalanǵan bes áleýmettik bastama qataryna ıpotekalyq nesıeniń jańa úlgisi, jalaqysy tómen azamattarǵa salyqtyq jeńildik jasalýy, joǵary bilimniń qol jetimdiligi men sapasy, shaǵyn nesıe kólemin ulǵaıtyp, gaz qubyryn tartý sıaqty jańalyqtar kiredi.