Florıda shtaty parlamentiniń joǵarǵy palatasy Parklendtegi mektepte bolǵan atystan keıin muǵalimderge qarý ustaýǵa ruqsat berip, zań boıynsha maquldady, dep habarlaıdy Qamshy.kz aqparat agenttigi RBK saıtynyń deregin negizge ala otyryp.

Sonymen birge zań jobasynda qarý satyp alýǵa ruqsat etiletin jas mólsherin 18-den 21 jasqa deıin kóterý de qarastyrylǵan. Al depýtattar jartylaı avtomat qarýdyń atý jyldamdyǵyn arttyratyn qurylǵylardy satýǵa tyıym saldy. Erejelerdi qatańdatýdy 20 senator qoldasa, 18 depýtat qarsy bolǵan. 

Budan bólek, zań jobasynda mektepterde kúzetshiler sanyn ulǵaıtý, sondaı-aq keıbir muǵalimderge qarý ustaýǵa ruqsat berý kózdelgen. 

Aıta ketetin bolsaq, Parklendtegi «Marjory Stoneman Douglas» mektebinde 15 aqpanda atys bolyp, saldarynan 17 adam qaza tapty. Oqýshylarǵa buryn sol mektepte oqyǵan 19 jastaǵy bozbala oq jaýdyrǵan.