Ońtústik Qazaqstan oblysynda kámeletke tolmaǵan bala ákesin uryp óltirip, máıitti qala syrtyndaǵy shuńqyrǵa aparyp tastaǵan. Ol osy áreketi úshin 7 jyl bas bostandyǵynan aıyryldy, dep habarlady Qamshy.kz aqparat agenttigi TVK arnasynyń deregin negizge ala otyryp.

Sheshim qylmystyq ister jónindegi mamandandyrylǵan aýdanaralyq sotta shyǵaryldy. Sýdıa sottalýshynyń 18 jasqa tolmaǵanyn jáne istegen qylmysy úshin qatty ókinetinin eskerip, jeńildetilgen jaza taǵaıyndady. Sot Orman Baǵdaýlet ákesin abaısyzda óltirgenin negizsiz dep tapty.

«Orman Baǵdáýlet Baqytuly QR QK 99-babynyń 1-bóligine sáıkes kináli dep tanylyp, oǵan osy bap negizinde 7 jylǵa bas bostandyǵynan aıyrý jazasy taǵaıyndalsyn. Jazasyn qylmystyq atqarý júıesiniń ortasha qaýipsiz mekemesinde ótesin. Kúzetpen ustaý bultartpaý sharasy ózgerissiz qaldyrylsyn», — dedi OQO qylmystyq isteri jónindegi mamandandyrylǵan aýdanaralyq sotynyń tóraǵasy Jánibek Seıitjapparov.

Qandy oqıǵa Qazyǵurt aýdanynda bolǵan. Ótken jyldyń 19 qarashasy kúni Orman Baǵdaýlet ákesiniń kepildegi kóligin ruqsatsyz aıdap ketip, soǵyp alǵan. Buǵan ashynǵan ákesi mas kúıinde balasyna qol kótergen. Jasóspirim ákesiniń álimjettigine shydaı almaı, temir zatpen basynan uryp óltirgen. Munan soń máıitti ózge kóliktiń júksalǵyshyna salyp, qala syrtyndaǵy shuńqyrǵa aparyp tastaǵan. Polıseıler deneni bir aptadan keıin tapqan.