QR Úkimetiniń qaýlysymen Talǵat İlıasuly Eshenqulov ýaqytsha, Elmıra Amangeldiqyzy Sýhanberdıevanyń bala kútimine baılanysty demalysqa shyǵýy kezeńinde QR Bilim jáne ǵylym vıse-mınıstri bolyp taǵaıyndaldy, dep habarlaıdy Qamshy.kz aqparat agenttigi primeminister.kz saıtyna silteme jasap.
Talǵat Eshenqulov 1978 jyly Jambyl oblysynda dúnıege kelgen. 1999 jyly M. H. Dýlatı atyndaǵy Taraz memlekettik ýnıversıtetin, 2000 jyly - «Qaınar» ýnıversıtetin, 2010 jyly - QR Prezıdenti janyndaǵy Memlekettik basqarý akademıasyn támamdaǵan.
Ekonomıs, zańger, memlekettik jáne jergilikti basqarý magıstri, memlekettik jáne jergilikti basqarý baǵyty boıynsha doktor (PhD) biliktiligine ıe. Qazaq, orys, aǵylshyn tilderinde sóıleıdi.
Eńbek jolyn 1997 jyly Jambyl oblysynyń Taraz qalasyndaǵy «Alma» AQ-da bastaǵan, Jambyl oblysy Ádilet basqarmasynda, Qarjy mınıstrliginde, Bilim jáne ǵylym mınıstrliginde, Joǵarǵy Keńeste, Qorshaǵan ortany qorǵaý mınıstrliginde, QR Esep komıtetinde túrli laýazymdardy atqarǵan. Taǵaıyndalǵanǵa deıin QR Bilim jáne ǵylym mınıstrliginiń Bilim jáne ǵylym salasyndaǵy baqylaý komıteti tóraǵasynyń orynbasary qyzmetin atqarǵan.
