Urandap alash bolyp tanylatyn, Tarıhy altyndarmen jazylatyn. Myń táýbá qazaq deıtin elimiz bar, Tamyry tereńderden qazylatyn. Qarasaq altyn tarıh bastaýyna, Qurylǵan el emespiz qas-qaǵymda. Táńirim súıgen qulyn synaıdy ǵoı, Osynyń úńileıik astaryna... On besinshi ǵasyrdyń jartysynda, Bosyǵan jurt bek, bıler talqysynda. Ashyndyryp barady namysty uldy, Qazaq jeri, ózbek han bop shalqysyn ba. Bul namys qazaqtyqqa jol bastady, Kereı menen Jánibek qol bastady. Bir jeńnen qol bir jaǵadan basy shyqqan, Qazaqty tartty alǵa aldaspany. Sodan qazaq handyǵy qanat qaqty, Asqaqtaǵan armannyń shamyn jaqty. Kóp tilegen tileýi qabyl bolyp, El bolsam dep aldynda táńir haqtyń. Halqy súıgen bahadúr dana Qasym, İlgeri domalatty áke tasyn. Qasqa jolyn qaldyryp máńgi izinde, Adaldyqtyń aq jolyn qoıdy basym. Haqnazar Táýekel han el esinde, Halqynyń mártebesin keń ósirgen. Qos sultany jurtynyń qamyn jegen, Tarıhtyń qaldy kári kemesinde. Handyq keńip ulǵaıǵan shaqta boldy, Bul tusta Esim batyr taqqa qondy. Bılik qolda tursa da patsha kóńil, Jańǵyrtty ata salǵan qasqa joldy. Táýke han zamanynda dara týǵan, Han bolǵan halqy úshin jaratylǵan. Tynyshtyq pen tártipti jarlyq etip, Esimi alty alashqa taratylǵan. Kún týdy el basyna náýbet shalǵan, Aıaýsyz kórdi qorlyq qalyń jaýdan. El aýzynda aqtaban shubyryndy, Alqakól sulama bop aty qalǵan. Elim-aı lap joqtady el men jandy, Talaı ul jetim, áıel jesir qaldy. İshinen ydyraǵan jurtty kórip, Býynsyz jerge jońǵar pyshaq saldy. Sol zamanda Sabalaq ǵumyr keshti, Tóle bıdiń jalshysy bolǵan desti. Ábilmansur jıyrmaǵa tolǵan shaqta, Abylaılap jońǵardyń mysyn testi. Jaryqtyq, han Abylaı taqqa keldi, Biriktirdi bytyrap jatqan eldi. Úsh júzdiń etin salyp bir qazanǵa, Tútetip bir oshaqqa jaqqan edi. Kenesary han toltyrdy qatardy, Adýyny aıdy aspanǵa apardy. Ultyn azat etý úshin kúresken, Ordamyzdyń qolbasshysy atandy. Han basqarǵan handyq ta aıaqtaldy, Kúshine enbeı qaldy jarlyq, jarǵy. Soltústiktiń yzǵary sekildenip, Taǵy bir qasqyr dáýir taıap qaldy. Kúnder-aı janǵa batyp ashynatyn, Zaman da keldi kórshi basynatyn. Qushaq jaıyp aq kóńil ańqaý qazaq, Jýyttyń ba sonshalyq qasyńa tym. Qazaqqa basshy endi jattan keldi, Galashekın degen zil batpan keldi. Ornatyp asharshylyq qyryp saldy, Qapysyz qapıada jatqan eldi. Móńkigen ólekseler dalamyzda, Teri jep áke, ana, balamyz da. Úshten biri qyrylǵan qazaq oıy, Urpaqsyz ultsyz bolyp qalamyz ba. Elim dep emirengen asyl tekter, Mirjaqyp, Maǵjan, Turar, Ahmetter, Táýelsiz el, syılaımyn dep qaza boldy, Kóz ashpaǵan jurtyna qasiretten. Toqtamady orystardyń taıaǵy, Jıyrmasynshy ǵasyr sońy taıady. Dinmuhamed Qonaevtyń ornyna, Kolbındi ákep basshy qylyp qoıady. Qaıaý saldy kóp qazaqtyń saǵyna, Shydatpady tıdi jastar shamyna. Otyrsyn dep Jeltoqsanda shýlady, Qazaǵymnyń qazaq qana taǵyna. Sorly úkimet urdy, soqty, qınady, Jigerli jas qarsylyǵyn tyımady. Selt etpesten janyn berip, qan tógip, Urpaǵyna azattyǵyn syılady. Ǵasyr boıy orystarǵa jem boldyq, Mine búgin sol oryspen teń boldyq. Júz otyzdan astam ulys ókilin, Baýyryna basqan darhan el boldyq. Babalarym jasap ár kez erligin, Saqtaı bildi jurtshylyqtyń eldigin. Bir qazaqpen qansha ǵasyr alysty, Aıtyńdarshy kim jeńildi, jeńdi kim!? Kók aspanda kúnniń nury tógilgen, Kún astynda qyran samǵap kóringen. Týdy kókke kótersin ár bórikti, Ózin-ózi qazaqpyn dep sezingen. Qarap otsam barsha halyq kózimen, Aıtar bolsam sol halyqtyń sózimen. Azyn-aýlaq ǵana ýaqyt ótse de, Bar jasaǵan joq nárseniń ózinen. Aqtaı bildi búkil qazaq senimin, Osy jolǵa sarpyp qaırat tózimin. Bir-birine jaralǵandaı ekeýi, Eli menen tapty Elbasy serigin. Altaı menen Atyraýdyń arasyn, Meken etken qazaqtyń keń dalasyn. Barlyǵy da qurmet etip tutady, El basqarǵan Nursultandaı danasyn. Búgin de bar has batyrlar aıbatty, Talaı doda, básekede baıraqty. Ataǵynan at úrkıtin elderde, Qazaǵymnyń Ánuranyn oınatty. Qazaq qazir dańǵyl damý jolynda, Tanyp bildi ońyn daǵy solyn da. Bar álemniń qózi toıar kórmesin, Ótkizý de qazaqtardyń qolynda. Ashyq aspan, beıbitshilik, ǵajap kún, Bes júz elý jasqa toldym azatpyn. Alla jazsa «Máńgilik El» jasaıyq, Qazaq qana janashyry qazaqtyń.
Aqbergen Azamat Artyqbaıuly 1993 jyly týylǵan. Jambyl oblysy Sarysý aýdany Jańatas qalasynyń turǵyny.
