2015 jyly maýsymda iz-túzsiz joǵalyp ketken 44 jastaǵy er adamdy polıseıler Almaty oblysynda tapty, dep habarlaıdy Qamshy.kz aqparat agenttigi óńirdiń ishki ister departamenti baspasóz qyzmetine silteme jasaı otyryp.
Úsh jyl buryn Qaraǵandy polısıasyna qart ana ulynyń joǵalyp ketkeni týraly aryz bergen. İz-túzsiz joǵalǵandar tizimine tirkelgen qaraǵandylyq osy ýaqyt boıy Almaty men qala mańyndaǵy aýdandarda júripti.
"Er adam polısıa bólimshelerinde paıdalanylatyn, tulǵanyń kim ekenin anyqtaý júıesiniń arqasynda tabyldy. Ol jeke kýáligin aýystyrmaq bolǵan eken. Anyqtalǵandaı, týystarymen renjisip úıden ketip qalǵan jigit úsh jyl boıy Almaty men qala mańyndaǵy aýdandarda jumys istep, kún kórgen. Qazir Aqbastaý aýylyndaǵy tanystarynyń biriniń otbasynda turady", — dep atap ótti İİD.
Er adam úıine qaıtýdan bas tartty, biraq onyń tabylǵandyǵy jáne jaǵdaıynyń jaqsy ekendigi týraly jedelhat onyń anasy men Qaraǵandy polısásyna joldanǵan.
