Oralda jastardy qoldaýǵa arnalǵan 4 birdeı jańa joba júzege asatyn boldy dep habarlaıdy 24.kz. Olardyń qatarynda aýyl kitaphanalaryn qajetti ádebıettermen tolyqtyrý, jastardy paıdaly aqparattarmen qamtamasyz etý, tegin aǵylshyn tilin úıretý jáne básekege qabiletti maman qalyptastyrý maqsatynda «Boıjetken» qyzdar klýbyn qurý sekildi jobalar bar. Qazirgi tańda óńirde 14 pen 29 jas aralyǵyndaǵy jastardyń sany 140 myńnyń ústinde. Solardyń 71 myńnan astamy aýylda turady. Joǵary oqý oryndarynda 30 myńdaı, al arnaýly orta oqý oryndarynda 19 myń stýdent bilim alyp jatyr. Jastar saıasatyn júzege asyrýmen aınalysatyn 89 qoǵamdyq birlestik jumys isteıdi. Bastau kovorkıng ortalyǵynda jastarmen kezdesken oblys ákimi áleýmettik bastama aıasynda óńirde stýdent jastardy jataqhanamen jáne qoljetimdi turǵyn úımen qamtamasyz etý, kásibin ashýǵa múmkindik jasaý jumystary qolǵa alynady. Al óńirdegi eki memlekettik ýnıversıtette 3 myń 300 stýdent grant negizinde bilim alyp jatyr.