Astanada Ulttyq gvardıa sarbazdary sýısıd jasamaqshy bolǵan er adamdy qutqaryp qaldy dep habarlaıdy Qamshy.kz aqparat agenttigi QR Ulttyq gvardıa baspasóz qyzmetine silteme berip. 

Oqıǵa 18 naýryzda bolǵan. Kenesary kóshesinde kópqabatty turyn úıdiń shatyrynyń ústinde otyrǵan er adamdy baıqaǵan Ulttyq gvardıa sarbazdary oǵan kómekke kelgen.

Er adamnyń sol qolynda qannyń izderi bar ekeni anyqtalǵan. Úı shatyrynan sekirmeı turyp, ol tamyryn kespekshi bolǵan kórinedi. Ásker jedel járdem qyzetin shaqyrǵan. 

Turǵyn úıdegi adamdardyń aıtýyna qaraǵanda, jaqynda er adam súıiktisimen arazdasyp qalǵan. Mas kúıde tatýlaspaqshy bolǵannan keıin, qyz oǵan kónbese kerek. Keıinnen ol qyzdy ózine qol jumsaımyn dep qorqytqan.

Ulttyq gvardıa áskeri er adamdy onyń qarsylasýyna qaramastan, qutqaryp qala alǵan.