«Nur Otan» partıasynyń  Taldyqorǵan qalalyq  fılıaly jumysyna kóz júgirtken adam ondaǵy  ótkizilip jatqan sharalarǵa shyn rızalyq sezimin bildiredi. Memleketimizde júrgizilip jatqan saıası-áleýmettik jumystardyń qaı-qaısysynyń bolmasyn basy - qasynda júrý partıanyń enshisinde. Taldyqorǵan qalalyq  partıa  fılıaly tóraǵasynyń birinshi orynbasary Ásıa Ahmetova bizge  ótken jylǵy atqarylǵan jumystarmen oı bólisn3.

«Nur Otan» partıasy Taldyqorǵan qalalyq fılıaly 28 bastaýysh  partıa uıymynda 11887 músheniń basyn biriktirip otyr. Onyń ishinde 30 jasqa deıingi jastar 1923 bolsa, 8411-i  áıelderden quralǵan. Osyǵan qarap qoǵamdaǵy áıel adamdardyń  belsendiligin kórýge bolady.

Taldyqorǵan qalalyq máslıhatynda «Nur Otan» depýtattyq fraksıasynyń «Nurly jol» baǵdarlamasynyń júzege asyrylýy jáne baqylaý boıynsha 5 komısıa qurylǵan. «Nurly jol» memlekettik baǵdarlamasy  boıynsha komısıa quramynda  35 múshe bar. Taldyqorǵan qalasynda «Nurly Jer» memlekettik  baǵdarlamasy aıasynda bólingen qarjynyń tıimdi oryndalýy jiti baqylaýda. Qurylys nysandaryna aı saıyn reıd jumystaryn júrgizip otyrady. «Nurly Jol» Memlekettik baǵdarlamasy boıynsha- 28   reıdtik sharalar júrgizildi.

Ásıa Týrsynqyzynyń aıtýynsha, Elbasy N.Nazarbaevtyń  halyqqa  arnaǵan Joldaýynda kórsetilgen tapsyrmalardyń júzege asyrylýyn bilý maqsatynda bastaýysh partıa uıymdarynda jınalys, basqosýlar , sondaı-aq, 230 partıalyq topta osyndaı sharalar ótti. Ondaǵy  bılik tarmaqtaryna ózgeris engizý boıynsha bes usynys oblystyq partıa fılıalyna joldanypty.

Memlekettik «Nurly  jer», «2017-2021 jyldarǵa arnalǵan  Nátıjeli  jumyspen qamtýdy jáne jappaı kásipkerlikti damytý» jáne  «2017-2021 jyldarǵa arnalaǵan agroónerkásiptik keshendi damytý» baǵdarlamalary boıynsha aqparattyq-nasıhat toby múshelerimen talqylanǵan.

     Partıanyń «Baqytty otbasy-baqytty balalyq shaq», «Ardagerlerdi ardaqtaıyq!», «Sybaılas jemqorlyq joq el -órkendeýshi el», «Kedergisiz keleshek»,  «Jastar Otanǵa», «Sátti qadam», «Aýyl turǵyndaryn jumyspen qamtý»  jáne de bir baǵyty «Uly dala qazynasy» jobasy  aıasynda súbeli  jumystar atqaryldy.  Bul sharalarǵa 68 myńnan astam adam qatysyp, 320 is-shara  uıymdastyryldy.

«Ardagerlerdi ardaqtaıyq»  jobasy boıynsha Jeńis kúni merekesine oraı «Erlikke taǵzym» atty ár partıalyq toptarda  taqyryptyq  sharalar ótkizý, ardagerlerdi qutttyqtaý  dástúrge aınalǵan.

 «Baqytty balalyq shaq» partıalyq jobasy aıasynda otbasy jaǵdaıy tómen balalarǵa arnalǵan qaıyrymdylyq sharalardy toptastyrady.

Bastaýysh partıa uıymdarynda 100% materıaldyq-tehnıkalyq bazamen, bólmemen qamtylǵan. Aǵymdaǵy jyly «Jaryq» bastaýysh partıa uıymy «Úzdik» bastaýysh partıa uıymy» baıqaýynyń oblystyq irikteý kezeńinde 1 oryn alsa, respýblıkalyq baıqaýdan – júldeli oryn aldy.

Taldyqorǵan qalalyq fılıaly «Úzdik qoǵamdyq qabyldaý bólmesi» baıqaýynyń oblystyq irikteý kezeńinen 1 oryn, respýblıkadan júldeli oryn aldy.

Partıalyq baqylaý jáne taldaý toby memlekettik baǵdarlamalardyń júzege asyrylýy boıynsha baqylaý-monıtorıngtik sharalardy uıymdastyrýda. «Óńirlerdi damytý», «Nátıjeli jumyspen qamtý jáne jappaı kásipkerlikti damytý», «Turǵyn-úı salasyn jańǵyrtý» syndy mańyzdy baǵdarlamalar boıynsha tıisti mekemelerge usynystar joldandy.

Ótken jyldyń taǵy bir kóńilge qýanysh uıalatar mańyzdy jańalyǵy- Astana qalasynda ótken respýblıkalyq partıa baıqaýynda   «Eń úzdik qoǵamdyq qabyldaý bólmesi» atalymynda-  Taldyqorǵan qalalyq  partıa fılıaly júldeli  3- oryndy qanjyǵalap qaıtty.

2016 jyldyń 11 aıynda partıa jobalary aıasynda barlyǵy 252 is-shara uıymdastyrylsa, aǵymdaǵy jylǵy merzimde 267 shara uıymdastyryldy. Partıa jobalarynyń buqaralyq aqparat quraldaryna jarıalaý barysy da oń jolǵa qoıylǵan. Telearna, gazet, saıt, áleýmettik jelilerde 2016 jyly 267 jarıalanym shyqsa, aǵymdaǵy jyly 490 aqparat jarıalandy.

«Ardagerlerdi ardaqtaıyq» jobasynyń «Qarttarym aman-saýmysyń» saýalnama ótkizý aıasynda ardagerler, tyl eńbekkerleriniń máseleleri anyqtalyp, olardyń ishinde 14 ardagerge sanatorlyq-shıpajaılyq joldama berildi. 30 ardagerge 180 000 tg kóleminde dári-dármek berildi. 23 ardager, tyl eńbekkerine medısınalyq áleýmettik qyzmetker úı jaıynda medısınalyq kómek berý taǵaıyndaldy.