1-shi naýryz – Alǵys aıtý kúnine oraı búgin Taldyqorǵan qalasy qoǵamdyq kelisim keńesiniń tóraıymy Sáýle Sultanqyzy jáne qala ákimi apparat bólimderi birlesip, jaǵdaıy tómen otbasylaryna kómek kórsetti.
Igi shara «Qaıyrymdy el» jalpy respýblıkalyq aksıasy sheńberinde júzege asyp otyr. Uıymdastyrýshylar oblys ortalyǵynda ornalasqan «Analar úıinde» bolyp, ol jerdegilerge aqshalaı járdem kórsetti. Sonymen qatar, múmkindigi shekteýli balalarǵa jáne jaǵdaıy tómen otbasylarǵa da azyq túlik, turmysqa qoldanatyn zattar berilip, materıaldyq kómek berildi.
Aıtalyq, ıgi shara qalamyzda 20-shy aqpan kúni bastalǵan, búgin óz máresine jetip otyr. Degenmen, uıymdastyrýshylar aldaǵy ýaqytta da qaıyrymdylyq sharasyn jalǵastyrý josparlarynda bar ekenin aıtady.
