BAQ-ta Ońtústik Qazaqstan oblysy Shymkent qalasy Abaı aýylynyń 7 jastaǵy turǵynyna qatysty tergeý aıaqtalǵany týraly aqparat taraǵan, dep habarlaıdy Qamshy.kz aqparat agenttigi. Kámelet jasqa tolmaǵan balanyń advokaty Baýyrjan Azanov óziniń Facebook paraqshasynda atalǵan aqparatty joqqa shyǵardy.
«BAQ arqyly «7 jastaǵa balaǵa qatysty tergeý aıaqtaldy» dep tarap jatqan aqparat shyndyqqa janaspaıdy. Jalǵan aqparat!», - dep jazdy Baýyrjan Azanov.
Aıta keteıik, kúni buryn ǵana qoǵam qaıratkeri Arýjan Saın jelide balanyń anasynyń ótinishimen saraptama júrgizýge shetelden táýelsiz sarapshylardy qatystyrý qarastyrylyp jatqanyn habarlaǵan.
