Úkimettik emes uıymdardyń áleýmettik jobalaryn kásipkerler qarjylandyrady

/uploads/thumbnail/20180403181609973_small.jpg

Qazaqstanda 2018 jyly «ASAR» úshjaqty seriktestik forýmy aıasynda áleýmettik jobalar alańyna qatysý úshin úkimettik emes uıymdardan ótinishter qabyldaý naýqany bastaldy. «Azamattyq bastamalardy qoldaý ortalyǵy» kommersıalyq emes aksıonerlik qoǵamynyń basqarma tóraǵasy Nurlan Óteshev baıqaýdyń sharttary týraly aıtyp berdi.

N. Óteshovtyń aıtýynsha, álemettik jobalar kelesideı talaptarǵa saı bolýy tıis: jobalar jergilikti qoǵamdastyqtardy damytýǵa, jergilikti máselelerdi sheshýde turǵyndardyń qoǵamdyq áleýetin qoldanýǵa jáne osy aımaqtardaǵy ómir sapasyn arttyrýǵa  baǵyttalýy kerek; usynylatyn jobalar jergilikti qoǵamdastyqtardyń jumysyn jaqsartýǵa shynaıy úles qosýy kerek; jobalar ÚEU-dyń aǵymdaǵy qyzmetine nemese bir rettik is-sharalardy ótkizýge baǵyttalmaýy tıis; jobalar buǵan deıin qandaıda bir qarjylandyrý kózderi arqyly júzege asyrylmaýy tıis.

Baıqaý 3 kezeńnen turady.  Birinshi kezeń – ÚEU-dyń jobalary kórsetilgen ótinimderdi jınaý. Baıqaýǵa qatysý úshin ótinishter 2018 jyldyń 2 mamyryna deıin qabyldanady.  Ekinshi kezeń - ÚEU-dyń jobalaryn onlaın-platformada jarıalaý jáne kásipkerlerge  taratý. Úshinshi kezeń – ÚEU men kásipkerler arasynda memorandýmdarǵa qol qoıý.

Baıqaýǵa qatysatyn ÚEU-dyń barlyq jobalary www.asarprojects.kz onlaın-platformasynda jarıalanady. úzdik jobalarymen kásipkerler tarapynan qoldaý tapqan úkimettik emes uıymdar 2018 jyldyń maýsym aıynda Taldyqorǵan qalasynda ótetin  «ASAR» úshjaqty seriktestik forýmyna shaqyrylatyn bolady.

Ótken jyly «ASAR» forýmy aıasynda  10-na asa joba kásipkerler tarapynan  qoldaý tapqan bolatyn. Mysaly, «Atyraý oblysynyń Azamattyq Alánsy» qoǵamdyq birlestiginiń «Venera» ınklúzıvti sheberhanasyn qurýǵa arnalǵan jobasy kásipkerlerdiń  qoldaýyna ıe bolǵan. Osylaısha, atalǵan sheberhana múgedek balalardyń ómir súrý daǵdylaryn qalyptastyrý jáne damytý maqsatynda qurylǵan bolatyn.

Baıqaýdyń uıymdastyrýshylary - Qazaqstan Respýblıkasynyń Din isteri jáne azamattyq qoǵam mınıstrligi, «Atameken» Ulttyq kásipkerler palatasy, Azamattyq bastamalardy qoldaý ortalyǵy.

Pikir qaldyrý

Qatysty Maqalalar