Búgin bar qazaqtyń maqtanyshyna aınalǵan sport sheberi, 2000 jyly ótken Sıdneı Olımpıadasynyń chempıony, İ dárejeli «Barys» ordeniniń birinshi ıegeri Bekzat Sattarhanovtyń týǵan kúni. Eger aramyzda bolsa, bıyl dańqty ul otyz segizinshi kóktemin qarsy alar edi.
Bekzat Seıilhanuly 1980 jyly 4 sáýirde kıeli Túrkistan qalasynda dúnıege kelgen. Sıdneı Olımpıadasynda táýelsiz elimizdiń týyn kókke kóterip, ánuranyn asqaqtatqan sportshy 2000 jyldyń 31 jeltoqsanynda, jańa jylǵa sanaýly mınýttar qalǵanda Shymkent qalasy janyndaǵy Temirlan beketi mańynda avtokólik apatynan qaza boldy.
Beksat Sattarhanov Sıdneıdegi jeńisin Túrkistan qalasynyń 1500 jyldyǵyna tartý etetindigin aıtqan edi. Bul jeńisi úshin Prezıdent Nursultan Nazarbaev Bekzat Sattarhanovqa İ dárejeli «Barys» ordenin tabys etti. Tarıhta Bekzat «Barys» ordeniniń tuńǵysh ıegeri retinde de qaldy.
