Memleket basshysy Nursultan Nazarbaev qazaqstandyqtardy Pasqa merekesimen quttyqtady, dep habarlaıdy Aqordanyń baspasóz qyzmeti.

Qamshy.kz aqparat agenttigi quttyqtaý mátinin oqyrman nazaryna usynady. 

Qymbatty otandastar! Barshańyzdy jarqyn mereke - Pasqamen shyn júrekten quttyqtaımyn! Kóktemniń osy kúni álemniń ár túkpirindegi adamdardyń júregi erekshe jylylyqqa, qýanysh pen úmit sezimine bólenedi.

Pasqa meıramynyń sımvoldary sanalatyn mahabbattyń máńgilik qundylyqtary, qaıyrymdylyq pen meıirimdilik - elimizdiń búkil turǵyny úshin qymbat ári qasterli.  Barlyq konfesıa ókilderiniń ózara úılesimdi yqpaldastyqta bolyp, beıbit eńbek etýi - Qazaqstannyń basty baılyǵy.

Biz muny kózdiń qarashyǵyndaı saqtap, ári qaraı damyta berýimiz kerek.  Jańarý men jaqsylyqqa degen senimdi bildiretin bul mereıli mereke qoǵamymyzdyń barlyq salasynda júrip jatqan jańǵyrýmen úndesedi.

Joǵary adamgershilikti dáripteıtin Pasqa meıramynyń mán-mańyzy ıgi isterge jetelep, bizdiń ómirimizdiń gýmanısik negizderin nyǵaıta túsedi.

Barshańyzdyń shańyraqtaryńyzda tatýlyq pen tynyshtyq bolsyn! Sizderge zor densaýlyq, baqyt, baq-bereke tileımin!