Ulybrıtanıa patshaıymy II Elızaveta Muhammed paıǵambardyń tikeleı urpaǵy bolýy múmkin. Bul týraly The times portaly habarlady.

Sheteldik basylymdardyń deregine súıensek, II Elızaveta Ispanıany bılegen musylman korólderiniń týysy. Oǵan dálel retinde basylymdar patshaıymnyń 40-býynǵa deıingi shejiresin keltirdi. Maqala avtory mundaı týystyqty «eki din arasyndaǵy kópir» dep atady.

Musylman elderi bul aqparatqa qyzyǵýshylyq tanytyp, tipti marokkolyq keı blogerler «Patshaıymdy saqtaı gór, Alla!» degen syndy jazbalar da qaldyrǵan.

The Times málimdegendeı, mundaı alǵashqy teorıa 1986 jyly «Berktiń perler kitabynda» jazylǵan. Kitap baspageri Garold Brýks-Beıker ol ýaqyttarda bylaı degen edi: «Brıtandyqtar patshaıymnyń Muhammed paıǵambardyń týysy ekenin bile bermeıdi. Alaıda musylman dinindegi basshylar muny maqtan tutady».

Tarıhshy Devıd Starkı teorıanyń óte qyzyqty ekenin, alaıda dáleldenbegenin aıtty.

Ǵalym Rıchard Konısbýrg derekti esh kúmánsiz dep keltirdi. Onyń aıtýynsha, Anglıa men Ispanıa arasynda aralas neke kóp kezdesken. «Orta ǵasyrlarda Ispanıa monarhtary men ıslam patshalyǵynyń úıi bir-birine jaqyn bolǵan», - dep keltirdi InoTV.