Túrkıa Respýblıkasy qarýly kúshteri Sırıadaǵy "Shah Efrat" operasıasyn aıaqtady, - dep habarlaıdy Qamshy.kz portaly. Sırıanyń birneshe aýdandaryn qorshaýǵa alǵan túrik áskerleri búgin Halep qalasyna basyp kirgen.

Erdoǵan áskerleri basyp alǵan Karakozak aýylynda ornalasqan Súleıman Shah kesenesiniń mańynda Túrkıa týy tigilgen.

«Prezıdent Taıyp Erdoǵan úkimet pen túrik qarýly kúshterin Sırıadaǵy sátti  ótken áskerı operasıamen úkimet múshelerin quttyqtady»dep jazady "TRT Avaz" arnasy.

"Túrik mılleti úshin óte tabysty ótken áskerı operasıany júzege asyrǵan úkimet pen qarýly kúshterdi ózimniń jáne búkil Túrkıa atynan quttyqtaımyn",-dedi Rejep Taıyp Erdoǵan.

Sondaı-aq, "bizdiń bul operasıany ótkizýdegi maqsatymyz - Suleıman Shah kesenesi aımaǵyndaǵy ishki-soǵys týdyrýshylardy yǵystyryp, evakýasıalaý bolatyn.  "Shah Efrat" operasıasy arqyly Súleıman Shah kesenesi men sol aımaqtaǵy bizdiń áskerılerdi aman-esen Túrkıaǵa ákelý edi. Bizdiń qarýly kúshter ol múddeden tolyqtaı shyqty",-dedi prezıdent Erdoǵan.

 Qazirgi tańda  Súleıman Shahtyń máıiti túrik áskerleri tarapynan baqylaýǵa alynyp, sol aımaqqa Túrik baıraǵyn tikken. Aldaǵy ýaqytta Túrkıa Sırıanyń Eshme aımaǵyna Súleıman Shahtyń mazaryn qaıta ornatatyndaryn málimdedi.

"Osy jolǵy "Shah Efrat" operasıasy barysynda qaza tapqan áskerılerdiń otbasy men týǵan-týysqandaryna kóńil aıtamyn",-dedi Erdoǵan.