Ǵalamtordyń aldynda qazaq otyr. Qazaq otyr... Bir-birin qajap otyr!
«Alty baqan-alaýyz» - Abaı aıtqan, Kórseqyzar, Jalmaýyz, Mazaq — otyr!
Eser-ǵasyr munyń da esin aldy.
Bir-birinen almaǵan óshi bar-dy:
Patrıarhaldyq-feodaldyq ǵurpymenen,
Ǵalamtorǵa qalaı tez kóship aldy?!
Qarataýdyń basynan kósh keledi,
Kóshken saıyn bir taılaq bos keledi.
Boqta ólgen túıesi eske tússe,
Bozdap júrgen botaǵa ósh keledi!
Ǵalamtordyń aldynda ǵalam otyr.
Bette — uıat joq.
Denesi — qara qotyr!
Alla — aspanda, al, Abaı — jer astynda.
...Saıtan bizge «Shoq! Shoq!» dep,
Qarap otyr...
Serik Aqsuńqar
