Hýdjand qalasy sotyndaǵy derekkózdiń habarlaýynsha, 35 jastaǵy Abdýllo Saıdýlloev 2004-2007 jyldary Saýd Arabıasyndaǵy medreselerdiń birinde dinı bilim alǵan, elge oralǵan soń "Sarı sang" meshitiniń ımam-hatıbi bolyp istegen. Meshitke kelýshiler din qyzmetkeriniń namazdy basqasha oqıtynyn baıqaǵan.
Meshitke kelýshilerdiń biri sotta Saıdýlloevqa qarsy kýálik etip, ımamnyń namazdy salafıttershe oqıtynyn jáne basqalardy solaı jasaýǵa shaqyrǵanyn aıtqan. Sottalýshy sońǵy sózden jáne advokattan bas tartty.
Saıdýlloev 2017 jyly qazanda óz úıinde ustaldy. Quqyqqorǵaýshylar onyń úıinen tyıym salynǵan 200 dinı ádebıet tárkilegen. Onyń eki baýyryna izdeý jarıalandy. Keıbir málimetterge qaraǵanda, olar arab elderiniń birin panalaǵan.
Resmı málimet boıynsha, 2016 jyly Tájikstannyń Soǵdy oblysynda tyıym salynǵan «Salafıa» jáne «Musylman baýyrlar» aǵymdaryna qatysy bar 20-dan astam din qyzmetkeri ustalǵan.
