Kún saıynǵy jumys sapary barysynda Almaty ákimi Baýyrjan Baıbek Túrksib aýdanynyń aýlalary men kóshelerin abattandyrý jóninde birqatar tapsyrmalar berdi, sonymen qatar «Almaty-1» temirjol vokzaly men onyń aınalasyn aralap kórdi. Megapolıs basshysy atalǵan aýdan qaladaǵy burynǵy eldi mekenderdiń biri ári mundaǵylardyń basym bóligi jeke sketor ekenin, sondyqtan zamanaýı standarttardyń barlyǵyna jaýap beretin jańa ortalyq qalyptastyrý qajet ekenin atap ótti.

«Júrginshiler úshin jaıly jaǵdaı tek qala ortalyǵynda ǵana bolýy tıis emes. Ortalyqtandyrý qaǵıdasy boıynsha qalanyń barlyq aýdandarynda biz turǵyndar úshin kósheler men aýlalardy, júrginshi keńistikterin jańartyp, jasyl jelekti keńeıtemiz, parkter men skverlerdi tartymdy etemiz. Júrginshiler júretin trotýarlardy basyp qalǵan zańsyz qurylystardy anyqtaý úshin jeke jumystar júrýde»,- dedi aralaý kezinde Baýyrjan Baıbek.

Mysaly, jyl aıaǵyna deıin Túrksib aýdanynda jóndelgen 80 aýladan ózge taǵy da 50 aýla jańarady.Modernızasıa aıasynda jaryq kózderi aýystyrylady, sport jáne bala alańdary paıda bolady, joldar jóndeledi.

Bıylǵy jyly eki jer asty joly kúrdeli jóndeledi jáne toǵyz kóshe jańarady. Erjanov kóshesiniń shyǵysyn jáne Tynyshbaev kóshesiniń ońtústigin alyp jatqan «Detskıı-Balalar» saıabaǵyndaǵy balalar jáne sport alańdary keńeıedi, jasyl jelek qory ulǵaıyp, sýarý júıesi ornatylady. Bulardan ózge, Saýranbaev kóshesi boıynda júrginshi aımaǵyn jasaý qarastyrylǵan.

Qala basshysy «Almaty-1» temirjol vokzalynda bolǵanda oǵan aınalany jańartý,vokzaldy kúrdeli jóndeýden ótkizý jáne perrondardy keńeıtý týraly baıandaldy. Baýyrjan Baıbek qala qyzmetterine júrginshilerge qıyndyq týǵyzbaý úshin vokzal aldyndaǵy kólik qozǵalysyn uıymdastyrý syzbasyn qaıta qaraýdy, vokzal mańyndaǵyy skver men onyń aınalasyn abattandyrýdy tapsyrdy.