2018 jylǵy 23 sáýirde Jambyl oblysy ákiminiń ókimimen Ábdiraıymov Ǵalymjan Raıyluly Taraz qalasy ákimi bolyp taǵaıyndaldy.
Ábdiraıymov Ǵalymjan Raıyluly 1965 jyly týǵan, ulty qazaq, bilimi joǵary.
1988 jyly Jambyl gıdromelıoratıvtik-qurylys ınstıtýtyn «ınjener-qurylysshy», 2003 jyly «Týran» ýnıversıtetin «zańger» mamandyqtary boıynsha bitirgen. Eńbek jolyn 1987 jyly Jambyl oblysyndaǵy «Shyǵys» kolhozynda qurylys ýchaskesiniń masteri bolyp bastaǵan.
1991-1998 jyldary Lýgovoı aýdandyq atqarý komıteti janyndaǵy sáýlet-josparlaý búrosynyń tehnık-qurylysshysy, «Alraı» sharýa qojalyǵynyń tóraǵasy, «Áltaır» JSHS sáýlet-qurylys fırmasynyń atqarýshy dırektory, 1998-2002 jyldary Almaty qalalyq ortalyq lısenzıalaý, sáýlet-qala qurylysy qyzmetiniń sarapshysy, bas mamany, bólim bastyǵy, dırektory, 2002-2003 jyldary Almaty oblysy boıynsha sáýlet-qurylys baqylaý jáne lısenzıalaý aýmaqtyq basqarmasynyń bastyǵy, Astana qalasy boıynsha ındýstrıa, saýda jáne shaǵyn bıznesti qoldaý departamenti dırektorynyń orynbasary, 2003-2009 jyldary Almaty oblysynyń memlekettik sáýlet-qurylys baqylaý basqarmasynyń bastyǵy, 2009-2013 jyldary Qazaqstan Respýblıkasy Qurylys jáne turǵyn úı-kommýnaldyq sharýashylyq isteri agenttiginde basqarma basshysy, departament dırektory – Qazaqstan Respýblıkasynyń memlekettik qurylys ınspektory, 2013-2014 jyldary Qazaqstan Respýblıkasy Óńirlik damý mınıstrligi Qurylys jáne turǵyn úı-kommýnaldyq sharýashylyq isteri komıteti tóraǵasynyń orynbasary, 2014-2015 jyldary Almaty oblysy ákimi apparatynyń basshysy, 2015-2017 jyldary Almaty oblysy ákiminiń orynbasary, 2017 jyldyń 15 aqpanynan búgingi kúnge deıin Jambyl oblysy ákiminiń orynbasary qyzmetterin atqarǵan.
